Osydan 84 jyl būryn, iaǧni, 1936 jyly 6 mamyrda jazuşy, kompozitor, öner zertteuşısı, Qazaqstannyŋ jäne Qyrǧyzstannyŋ eŋbek sıŋırgen mädeniet qyzmetkerı Iliia JAQANOV düniege keldı.
Jambyl oblysynyŋ Sarysu audanynda tuǧan.
Qazırgı äl-Farabi atyndaǧy Qazaq ūlttyq universitetın bıtırgen. 78 jasynda H. Dosmūhamedov atyndaǧy Atyrau memlkettık universitetıne tüsıp, suretşı mamandyǧyn meŋgerıp şyqqan.
1959-1963 jyldary - «Qazaqstan pionerı» (qazırgı «Ūlan») gazetınıŋ ädebiet jäne öner bölımnıŋ meŋgeruşısı. 1963-1984 jyldary - Qazaqstan teledidar jäne radiohabarlar jönındegı memlekettık komitetınıŋ redaktory, aǧa redaktory, Qazaq radiosy muzyka redaksiiasynyŋ bas redaktory. 1984 jyldan bastap bıryŋǧai şyǧarmaşylyq jūmyspen ainalysady.
Alǧaş ret oqyrmandaryna «Qaita oralǧan än», «Hoş bol, vals» kıtaptary arqyly tanylǧan. Qazaqtyŋ ūly küişı, qobyzşysy Yqylas turaly romany «Kertologoo» degen atpen alǧaş ret qyrǧyz tılınde, keiın «Yqylas» degen atpen qazaq tılınde jaryq kördı. Onyŋ qazaq önerı qairatkerlerınıŋ ömırın zertteu negızınde «Ekı jiren», «Bırınşı konsert», «Mahabbat valsı», «Aqqular qonǧan aidyn köl» atty derektı jinaqtary, sondai-aq «Qarabura» tarihi-tanymdyq şyǧarmalary, «Äselım änım», «Daniiardyŋ änı», «Edıl men Jaiyq», t.b. halyq arasyna keŋınen tanylǧan änderı bar. Qyrǧyz jazuşysy T.Qasymbekovtyŋ «Synǧan qylyş» dilogiiasyn qazaq tılıne audarǧan.
«Bırjan sal», «Aqan serı», «Ükılı Ybyrai», «Estai änşı», «Jaiau Mūsa», «Mädi», «Maira», «Baluan Şolaq» t.b. sal-serıler ǧūmyrnamalary, M.Tölebaev, L.Hamidi, B.Baiqadamov, Q.Musinderdıŋ şyǧarmaşylyq portretterın somdaǧan tuyndylary men «Şoqan jäne muzyka», «Jambyl jäne muzyka», «Säken jäne muzyka» atty derektı filmderı bar.
“Äselım änım”, “Daniiardyŋ änı”, “Edıl men Jaiyq” siiaqty halyq arasynda keŋ taralǧan 200-ge tarta änderdıŋ avtory.
https://youtu.be/rbmq_Ne-V_A
Ūqsas jaŋalyqtar
