31 mamyrda Qyrǵyz Respýblıkasynyń Parlamenti «Memlekettik til týraly» zań jobasyn úshinshi oqylymda qabyldaǵan bolatyn. Qujatta barlyq memlekettik jáne mýnııpaldyq qyzmetkerlerdi memlekettik (qyrǵyz) tilin bilýge jáne tıisti emtıhandardy tapsyrýǵa mindetteletini jazylǵan. Osyǵan qatysty Reseı syrtqy ister mınıstrligi jaýap berdi, dep jazady "Adyrna". Resmı jaýap mınıstrliktiń saıtynda jarııalandy.
"Bizdiń bilýimizshe, «Qyrǵyz Respýblıkasyndaǵy memlekettik til týraly» zań jobasy sonaý 2021 jyly talqylaýǵa usynylǵan, sodan keıin onyń bastapqy nusqasy qyrǵyz qoǵamynda, onyń ishinde orystildi turǵyndar tarapynan da synı pikirlerge ulasty. Keıinnen qujat pysyqtalyp, oǵan buryn jetispeıtin normalar, mysaly, barlyq etnostarǵa ana tilin saqtaý men damytý kepildigi týraly erejeler engizildi. Sonymen birge, zań jobasynda memlekettik tildi bilmeý negizinde azamattardyń quqyqtary men bostandyqtaryna qol suǵýǵa jol bermeý týraly norma engizilmegen.
Zań qazirgi túrinde respýblıkanyń qyrǵyz tilin bilmeıtin azamattary úshin belgili bir qıyndyqtar týǵyzýy múmkin. Biz qyrǵyz azamattarynyń nazaryn zańnyń qabyldanýy tıtýldyq emes halyqtyń, onyń ishinde bizdiń otandastarymyzdyń quqyqtaryna qatysty jaǵdaıǵa jaǵymsyz áser etýi múmkin ekenine birneshe ret eskertý jasadyq.
Áriptester zań jobasy orys tilin joıýdy maqsat etpeıtinine sendirdi. Osyǵan baılanysty Qyrǵyz Respýblıkasynyń basshylyǵy odaqtastyq qarym-qatynastar negizinde qyrǵyz tilin damytýǵa da, konstıtýııalyq mártebege ıe orys tilin qoldaýǵa jáne Qyrǵyzstandaǵy resmı til jáne Táýelsiz Memleketter Dostastyǵy keńistigindegi ultaralyq qatynas tilin nasıhattaýǵa baǵyttalǵan teńgerimdi til saıasatyn júrgizedi dep kútemiz" delingen Reseı SIM resmı jaýabynda.
