Zańger bul zańdy daıyndaý barysynda birqatar kemshilikterdiń bolǵanyn, ol týraly baspasóz ben áleýmettik jelilerde jarııalaǵanyn aıtty. Alaıda ol Evgenı Jovtıs bastaǵan bir top mamandardyń jańa zańnyń ishindegi «shet eldik jáne azamattyǵy joq adamdardyń Qazaqstanda mıtıngige shyǵa almaıtynyna baılanysty normaǵa» baıktot jarııalaýyna (Bul norma Eýropa men halyqaralyq sharttardyń adam quqyqtary jónindegi bólimge sáıkes kelmeıdi degendi aıtqan) kelise almaıtynyn jetkizdi. Zańger bizge elimizdiń tutastyǵy qajet ekenin aıtyp, halyqaralyq normalarǵa mysal da keltirdi.
Abzal Quspan zań jobasynyń qazirgi qoldanystaǵy Konstıtýııa talaptaryna saı keletindigi jóninde:
- Birinshiden, qoldanystaǵy konstıtýııanyń 32-babynda mıtıngilerge qatysty «QR azamattary beıbit ári qarýsyz jınalýǵa, jınalystar, mıtıngiler men demonstraııalar, sherýler ótkizýge jáne tosqaýyldarǵa turýǵa haqyly» delinedi. Iaǵnı, bul jerde eshqandaı alternatıva norma joq. Qazaqstan Respýblıkasynyń adamdaryna berilgen aıryqsha quqyq ekenin eskertkim keledi.
Ekinshiden, kez kelgen elde halyqaralyq sharttardan bólek, ózderiniń ulttyq zańnamasy bolady. Ol zańnamanyń halyqaralyq sharttardan belgili bir ereksheligi bar. Mysal aıtaıyn. Reseıdiń «Nochnye volkı» degen baıkerler qoǵamy birneshe jyl kóleminde Ekinshi dúnıejúzilik soǵystaǵy jeńisti syltaý qylyp, jeńisti Berlınge baryp toılaımyz degen maqsatpen birneshe eldiń terrıtorııasyn basyp sherýler (avtobýspen, motoıklmen) uıymdastyryp kele jatyr. Biraq olar birneshe jyl qatarynan Eýroodaqtyń terrıtorııasyna kire almaı keledi. «Nochnye volkıdyń» Polshadan bastap ári qaraı ótýine tıym salynǵan. Óıtkeni, olardyń maqsaty – stanılızmdi nasıhattaý, Keńes úkimetin nasıhattaý, orys ultshyldyǵyn nasıhattaý. Bul – Evropa elderiniń ustanymyna qarama qaıshy. Ol elder ózderiniń ustanymdaryna qarsy beıbit jıynǵa ruqsat berý bylaı tursyn, óz terrıtorııalaryna kirgizbeı kele jatyr. Osyǵan baılanysty Reseıdiń Syrtqy ister mınıstrliginen bastap ártúrli vedmostvo basshylary men saıasatkerleri negatıvti pikirlerin bildirýde - dedi.
Zańger Qazaqstanǵa qatysty da mysal keltirdi.
«1991 jyly Oral qalasynda jergilikti kazaktar men Reseıdiń kóptegen oblystarynan kazachestvo ókilderi kelip, Oral kazachestvosynyń Reseı ımperatoryna 300 jyldyǵyn toılaýǵa nıet bildirdi. Sol kezde óte úlken deńgeıde bolýy múmkin halyqaralyq janjaldyń aldy alyndy. «Azat» partııasy óte úlken jumys jasap, ultaralyq shıelenistiń aldyn aldy.
Eger biz Qazaqstan azamatty joq adamdarǵa mıtıgige shyǵýǵa ruqsat berip qoıatyn bolsaq, osyndaı jaǵdaıdyń qaıtalanbasyna kim kepil bola alady?
Osyǵan baılanysty zańger retinde de, qoǵam belsendisi retinde de zańdaǵy normany qoldaýǵa shaqyramyn» - dedi Abzal Quspan.
"Adyrna" ulttyq portaly
https://www.youtube.com/watch?feature=youtu.be&v=TMRhybpB3wQ&app=desktop
