Ernar Aıdar uıymdastyrǵan utysta syılyqqa beriletin kólikter jalǵa alynǵan
Almaty qalasy ekonomıkalyq tergeý departamenti men polıııa qyzmetkerleri áleýmettik jelide jalǵan lotereıa oıynyn uıymdastyrǵandardy anyqtady. Olardyń arasynda elge tangymal ánshi Ernar Aıdar da bar dep habarlaıdy ekonomıkalyq tergeý departamenti baspasóz qyzmeti.
"Bul top 2020 jyldyń 23 aqpan men 23 sáýir aralyǵynda óte qymbat utys syılyqtaryn - ıaǵnı 4 avtokólik (2 sedan jáne 2 djıp), Almaty qalasynda bir bólmeli páter jáne basqa da turmystyq tehnıkany oınatpaq bolyp, jalǵan lotereıa oıynyn uıymdastyrǵan. Alaıda, joǵaryda kórsetilgen qundy syılyqtar bolmaǵan. Olar lotereıa oıynyna qatysýshylardy sendirý úshin 4 avtokólikti basqa jeke tulǵalardan jalǵa alǵandyǵy anyqtaldy", - delingen resmı taratylǵan habarlamada. .
Lotoreıany uıymdastyrýshylar áleýmettik jelilerde jasaǵan jarnama arqyly 9 900 teńge turatyn 20 000 danadan astam oıyn bıletin satqan. Utys oıynyn oınatatyn baǵdarlamaǵa, uıymdastyrýshylarmen aldyn ala belgilengen utys bıletteri ıaǵnı, óz adamdary engizilgen.
«Qazirgi tańda, QR qylmystyq kodeksi 190-babynyń 2-bóligi 1-tarmaǵy boıynsha (alaıaqtyq, adamdar tobynyń aldyn ala sóz baılasýy) birqatar azamatqa qatysty sotqa deıingi tergeý amaldary júrgizilip jatyr», - dep qosty departament ókilderi.
Sonymen qatar zańsyz lotereıa oıynyn uıymdastyrýshylar tótenshe jaǵdaı rejımin buzǵany úshin QR ákimshilik kodeksiniń 476-babymen ákimshilik jaýapkershilikke tartyldy.
Esterińizge sala keteıik, buǵan deıin Ernar Aıdardyń ustalǵany habarlanǵan
"Adyrna" ulttyq portaly
