Türkıstanda medisina qyzmetkerlerınıŋ qūqyǧyn qorǧap jürgen kezınde psihiatriialyq auruhanaǧa mäjbürlı türde jatqyzylǧanyn mälımdegen Mūhammad Ömırbek toǧyz aiǧa sozylǧan sot dauynyŋ alǧaşqy nätijesıne qol jetkızdı. Şymkent qalalyq sotynyŋ apelliasiialyq alqasy onyŋ şaǧymyn qanaǧattandyryp, talap aryzyn qaitaru turaly bırınşı satydaǧy sottyŋ ūiǧarymynyŋ küşın joidy. Būl turaly ol «Jas Alaşqa» aitty, dep habarlaidy «Adyrna» tılşısı.
Mūhammad Ömırbektıŋ sözınşe, Şymkent qalalyq sotynyŋ äkımşılık ıster jönındegı sot alqasy bırınşı satydaǧy sottyŋ talap qoiu aryzyn qaitaru turaly şeşımın joiǧan. Osylaişa, onyŋ ısın sotta mänı boiynşa qarauǧa mümkındık tuǧan.
Alaida apelliasiialyq sottyŋ būl şeşımı Mūhammad Ömırbektıŋ psihiatriialyq diagnozy zaŋsyz dep tanyldy nemese onyŋ barlyq talaby qanaǧattandyryldy degendı bıldırmeidı. Qazırgı taŋda sot talap aryzyn qarauǧa jol aşqan. Al negızgı dau boiynşa tüpkılıktı şeşım älı qabyldanǧan joq.
Türkıstan tūrǧyny Mūhammad Ömırbek 5 jyl boiy feldşer bolyp jūmys ıstegen jäne medisina qyzmetkerlerınıŋ eŋbek jaǧdaiy men äleumettık mäselelerıne nazar audaruǧa tyrysqan.
2025 jyldyŋ qaraşasynda ol «103 Qazaqstan» atty WhatsApp tobyn aşyp, feldşerlerdıŋ jalaqysyn köteru, zeinet jasyn qaita qarau, tūrǧyn üi mäselesın şeşu jäne eŋbek qūqyqtaryn qorǧau jönınde ūsynystar kötergen.
Özınıŋ aituynşa, osy qoǧamdyq belsendılıgınen keiın oǧan jergılıktı bilık pen qūqyq qorǧau organdary tarapynan qysym körsetıle bastaǧan. Ol polisiia qyzmetkerlerı men äkımdıktıŋ ışkı saiasat bölımı tarapynan qysym körgenın mälımdegen. Al jergılıktı äkımdık būl aiyptaulardy joqqa şyǧarǧan.
Oqiǧanyŋ eŋ dauly tūsy 2025 jylǧy 5 jeltoqsanda bastalǧan. Mūhammad Ömırbektıŋ aituynşa, sol künı polisiia qyzmetkerlerı ony psihiatriialyq medisinalyq mekemege jetkızgen. Nätijesınde ol 37 kün boiy psihiatriialyq auruhanada jatqan.
Oǧan F22 – «sana būzylysy» diagnozy qoiylǧan. Būl diagnozdyŋ negızdılıgıne kümän keltırgen Ömırbek özınıŋ psihikalyq jaǧdaiyna qatysty täuelsız saraptamadan ötuge şeşım qabyldaǧan.
Ol keiın Astana qalasynda psihiatriialyq tekseruden ötıp, psihikalyq auytquy joq ekenı turaly qorytyndy alǧanyn mälımdegen. Osylaişa, bır azamattyŋ psihikalyq densaulyǧyna qatysty ekı türlı medisinalyq qorytyndy turaly mäsele tuyndaǧan.
Er adam Türkıstandaǧy psihiatriialyq mekemenıŋ äreketterımen kelıspei, sotqa jügıngen. Onyŋ negızgı talaptarynyŋ qatarynda qoiylǧan diagnozdyŋ zaŋdylyǧyn daulau jäne psihiatriialyq esepten şyǧaru mäselelerı bolǧan. Alaida bırınşı satydaǧy sot onyŋ talap qoiu aryzyn qaitaru turaly ūiǧarym şyǧarǧan. Sonyŋ saldarynan negızgı dau mänı boiynşa qaralmaǧan.
Mūhammad Ömırbek būl şeşımmen kelıspei, apelliasiialyq şaǧym tüsırgen. Endı Şymkent qalalyq sotynyŋ äkımşılık ıster jönındegı sot alqasy bırınşı satydaǧy sottyŋ ūiǧarymyn joiǧan.
Apelliasiialyq sottan keiın Mūhammad Ömırbek küresın jalǧastyratynyn mälımdedı.
