Megapolısterdiń karantınge jabylyp, júris-tury mastyń shektelýi kóbimizdiń qolaıymyzǵa qup keltire qoımady, bilem.
Bul koronovırýs kóp sharýany keıinge shegertti, biraz isti atqarylýsyz qaldyrdy, tipti keıbirińizdi bir ǵumyrda bir-aq ret keletin múmkindikten aıyrǵan shyǵar.
Bári múmkin.
Basqa tússe, baspaqshyl degen, kónýge týra keledi... Jáne meni vırýstyń jaıylý jyldamdyǵynan kóri, sol indet jaıly aqparattyń taralý qarqyny qaıran qaldyrady.
Áleýmettik jelini paraqtaı qalsań, ótirik-shyny aralas aqparattan «aıaq alyp júrgisiz». Quddy bir jaýynnan keıin qaptaǵan sańyraýqulaqtaı.
Aqparattyq ǵasyrda bul zańdy qubylys, árıne. Vıdeolardan jan-jaqqa júgirip, iship-jemin qamdaǵan halyqty kóresiń, jazylǵan pikirlerden san saqqa joramaldaǵan paıymdy oqısyń.
Kóbisi amandyq tilep jatsa, biri osy indetti paıdalanyp haıp jasap, al tipti keıbiri baǵdarlamalarynyń reıtıngterin kóterip jatyr. Osy tusta saýdalaryn júrgizip jatqandar da az emes, biri maskanyń baǵasyn 5 eselep satyp jatsa, endi biri kómektesedi degen ımbır shóbin 25 myńnan ótkizip jatyr. Kúni keshke deıin qaqsap jatqan jýrnalıster shyndyqty aıtyp jatyr ma? Álde joǵarǵy jaqtyń aıtqanyn ǵana jetkizip otyr ma? Bunymen aıtqym kelgeni jabylyp jatqan shekaralar qaıda? Kúni- túni Qytaımen saýdamyz biter emes. Bir qaladan ekinshi qalaǵa qaltamyzda aqshamyz barlar ary-beri ótip júrmiz. Qashyqtyqtan oqytý dep onlaın oqýdy eńgizip qoıdy. Onyń paıdasy nede dep keıde ózim oılap qoıamyn. Úlken megapolısti qaıdam, óz qalamda balalar kúni-túni kóshede dop qýalap júr, bozbalalar men boıjetkender keshki kóshede serýendep júr. Al bunyń paıdasy nede, vırýs sonda mektepte juǵyp, dalada oınap júrseń juqpaıdyma eken, qyzyq! Bul ber jaǵy ony qoıa bergende ata- analar men muǵalimderdiń aýdıo jazbalary hıt boldy Qazaqstan álemine. Internet jelisin ashyp qalsań jylap otyrǵan bala, shyńǵyryp otyrǵan anany kóremiz ne sumdyq?
42500 teńgeniń áńgimesi bir bólek. Pochtanyń aldy kezekke tolyp tur. Aqshasy barlar da aqshasy joqtar da sonda. Kúndelikti jabylmaı turatyn saıttarda iske qosylmaı tur. Osy tusta joǵarǵylar bir saıasatty oılap otyrma degen oı keledi. Adamdyǵymyzdy saqtap qalaıyqshy adamdar!
Rysaldy Maratqyzy Sharapıeva,
«Turan» ýnıversıteti Jýrnalıstıka mamandyǵynyń 1 kýrs stýdenti
