Búgin Shymkent qalasynyń Bas memlekettik sanıtarlyq dárigeriniń 2020 jylǵy 2 sáýirdegi №9 qaýlysyna ózgerister engizildi.
Atap aıtqanda, qaýlynyń №1 qosymshasy: «14.10. Muqtaj jáne zardap shekken adamdarǵa volonterlik kómek kórsetetin qaıyrymdylyq qorlary (uıym ádilet organdaryna tirkelgen jaǵdaıda), degen tarmaqpen tolyqty.
№2 qosymshanyń 2.19. tarmaǵy: «kóktemgi dala jumystaryn, tabıǵatty qorǵaý, veterınarııalyq, aýyl sharýashylyǵy, sondaı aq, ara sharýashylyǵy is-sharalaryn júrgizýge, ony rastaıtyn memlekettik tirkeý kýálikti (sharýa qojalyǵy, fermerlik sharýashylyq, jaýapkershiligi shekteýli seriktestik, aýyl sharýashylyǵy taýaryn óndirýshi, kredıttik seriktestik jáne sharýashylyq júrgizý quqyǵyndaǵy memlekettik kommýnaldyq kásiporyn, jeke kásipker), jeke kýálikti, sondaı-aq, jumyskerler úshin jumys ornynan anyqtamasyn (mórimen káýlandyrylǵan erkin úlgidegi anyqtama) usynǵan kezde jáne olardyń kólikteri», degen tarmaqpen al, №3 qosymshasy «21. «Qazteleradıo» AQ» degen tarmaqpen tolyqtyryldy.
Atalǵan qaýly 2020 jylǵy 22 sáýirden qoldanysqa engizildi.
Qaýlymen «Shymkent.gov.kz» resmı saıtynyń «COVID-19» aıdaryna kirip, tanysýǵa bolady.
Shymkent
