Almaty oblysynda 1407 ónerkásip nysany jumys isteıdi, sonyń 32-si - iri, 64-i - orta jáne 1311-i - shaǵyn nysandar. Olarda 85 myńnan astam adam eńbek etedi. Qazirgi kezde oblystaǵy barlyq kásiporyndar sanıtarlyq-dezınfekııalyq sharalardy qatań saqtaı otyryp, shtattyq rejımde qyzmetin atqarýda, - dep habarlaıdy Almaty oblysy ákiminiń baspasóz qyzmeti.
Oblystyq kásipkerlik jáne ındýstrıaldy-ıınovaııalyq damý basqarmasynyń basshysy Rýslan Qojasbaevtyń aıtýynsha, óńirdegi ónerkásip kólemi 2020 jyldyń qańtar-naýryz aılarynda 242,0 mldr. teńgeni nemese 106% qurady, bul 2019 jyldyń sáıkes merzimine qaraǵanda 53,7 mlrd. teńgege artyq. Óńdeý ónerkásibiniń jalpy kólemdegi úlesi 85,4% – bul respýblıkadaǵy eń joǵary kórsetkish.
Basqarmanyń málimeti boıynsha, ónerkásip óndirisiniń kólemi azyq-túlik shyǵaratyn «Mareven Fýd Tıan-Shan» JShS-nyń óndiris kóleminiń arttyrylýynyń (2019 j. – 3,2 myń tonna azyq-túlik, 2020 j. – 3,9 myń tonna nemese 120,4%), kondıterlik ónimderdiń iri óndirýshisi «Hamle Kompanı LTD» kompanııasynyń assortımenti men satý naryǵyn keńeıtýiniń (2019 j. – 3,5 myń tonna, 2020 j. – 4,3 myń tonna nemese 123,5%), «Azııa AgroFýd» AQ-nyń un óndirisin ulǵaıtýynyń (2019 j. – 45,7 myń tonna, 2020 j. – 65,1 myń tonna nemese 142,4%) esebinen qamtamasyz etildi.
Jalpy kólemniń ulǵaıýyna shyryndar men alkogolsiz sýsyndar óndiretin kásiporyndar da óz úlesin qosty. Olardyń qatarynda «Koka-Kola Almaty Bottlers», «RG Brands Kazakstan», «Gallanz Botlers» (2019 j. – 193,6 mln. lıtr, 2020 j. – 240,2 mln. lıtr nemese 124,1%) kásiporyndary bar.
«TGPK» JShS-nyń qoldanbaly shoıyn óndirý kólemin 8 ese arttyrýy da zor ról atqardy. Máselen, 2019 jyly kásiporyn 5,8 myń tonna ónim shyǵarsa, 2020 jyly bul kórsetkish 46,7 myń tonnaǵa jetti.
Atap ótsek, koronavırýs ınfekııasynyń aldyn alý men taralýyna jol bermeý maqsatynda oblystyq bas memlekettik sanıtarlyq dárigerdiń qaýlysyna sáıkes óńirdegi barlyq kásiporyndarda sanıtarlyq jáne aldyn alý sharalary qatań saqtalyp, turaqty baqylaýǵa alynǵan. Sonymen qatar, Almaty qalasynda karantın engizilýine baılanysty oblys ákimdiginiń qoldaýymen 30 kásiporynnyń 1 myńnan astam qyzmetkeri Almaty aglomeraııasyna kiretin 3 aýdan men Qapshaǵaı qalasyna ornalastyryldy. Olardyń qatarynda júıequraýshy jáne iri «Mareven Fýd Tıan-Shan», «Djeı TI AI», «Fılıpp Morrıs Qazaqstan», «Danon Berkýt», «Gallanz bottlerz», «Lýkoıl Lýbrıkants», «Kagazy Recycling», «Efes Qazaqstan», «RG Brands», «Hamle Kompanı LTD» jáne basqa da kásiporyndar bar.
Oblys ákimi baspasóz qyzmetiniń habarlaýynsha, oblys ákiminiń tapsyrmasymen óńirde medıınalyq maskalar tigý jolǵa qoıylǵan, bul iske aımaqtyń kóptegen kásiporyndary tartyldy. «Dolche-Pharm» JShS farmaevtıkalyq kompanııasynyń ózi kún saıyn 150 myńnan astam medıınalyq maska shyǵarýda. Oǵan qosa 70 myńǵa jýyq maskany óz qyzmetkerleri úshin jáne basqa kásiporyndardyń tapsyrystaryna oraı «Ýnıversal», «Jarkent polıpropılen zaýyty», «JKPZ», «TEXTIL MARKET», «Koka-Kolla Almaty Botlers», «Altyn juldyz» JShS-lary, «CLOTWELL», «Zeta» kompanııalary men basqa da shaǵyn kásiporyndar tigip otyr.
"Adyrna" ulttyq portaly,
Almaty oblysy
