Qytaidyŋ Qazaqstandaǧy elşısı Chjan Siao juyrda jariia bolǧan "Qazaqstan nelıkten Qytaiǧa oraludy aŋsaidy" atty atyşuly maqalaǧa qatysty pıkır bıldırdı.
"Mynaǧan basymdyq bergım keledı. Juyrda Qytaidyŋ täuelsız kontentınde jariia bolǧan maqala eşbır resmi oryndardyŋ közqarasyn tanytpaidy. Alaida, būl jaǧdai qazırgı taŋda ǧalamtordyŋ jalǧan, las, ärı ärqily ösek-aiaŋ aqparattarǧa tolyp ketkenın aişyqtap berdı. Sondai-aq, ekı eldıŋ qarym-qatynasyna kerı yqpalyn tigızetın mūndai dünielerdı joiuda qos tarap ta belsendı şaralar qabyldau qajettıgın ūqtyrdy. Men sonymen qatar, QR SIM-nıŋ bırınşı orynbasary Şahrat Nūryşev myrzamen kezdesu barysynda, Qazaqstan-Qytai dostastyǧynyŋ ǧasyrdan-ǧasyrǧa jalǧastyǧynyŋ kepılı retınde bızge tarih oqulyqtarynyŋ mazmūnyna erekşe män beru kerektıgın, söitıp jas ūrpaqty tarihtyŋ şynaiy közqarasy negızınde tärbieleudıŋ asa maŋyzdy ekenın aittym"
Būl üzındı Qytaidyŋ "Global Taims" gazetı men portalynyŋ Qytai elşısımen jürgızgen ekskliuzivtı sūhbatynan alynyp, audaryldy.
Būdan bölek, Qytaidyŋ äleumettık jelılerınde Qazaqstannyŋ atalǧan maqalaǧa orai, Qytaiǧa narazylyq notasyn joldau äreketın synǧa aldy.
"Qazaqstan tüimedeidı tüiedei ettı. Būl atalǧan eldıŋ diplomatiiasynyŋ jetılmegenın bıldıredı. Jekelegen qoldanuşylardyŋ pıkırı tūtas bır eldıŋ közqarasyn tanytpaidy. İnternet - aşyq platforma. Sol sebeptı ärkımnıŋ auzyna qaqpaq bolu mümkın emes. Şet elderde Qytaidy qaralaǧan maqalalar resmi saittardyŋ bas betterınde tolyp tūr. Qazaqstanda da az emes. Sol siiaqty Qazaqstanǧa qara küie jaqqan maqalalar Batysta da bar. Şaǧymşyl bolsa olarǧa nege qarsylyq bıldırmeidı?" deidı narazylyq notasyna narazylyq tanytqan bır portalynda. Qytaidyŋ būl jazbasy 510 myŋnan asa qaralyp, köptegen pıkırler jazylǧan.
Ötken aptada Qytailyk sohu.com saitynda jariia bolǧan "Qazaqstan nelıkten Qytaiǧa oraludy aŋsaidy" maqalasy saittan alyndy.
Soŋǧy uaqytta Qytai elşısın şaqyryp narazylyqtaryn bıldırıp jatqandar elder bar. Mysaly, juyrda qaralardy renjıttı dep afrikalyqtar da şaǧym tüsırgen.
Ertai Nüsıpjanov
Ūqsas jaŋalyqtar
