Qaraǧandy oblysynda soŋǧy üş jylda invataksi kölıkterınıŋ sany üş esege artty. Bügınde olardyŋ sany 118-ge jettı. Mügedektıgı bar adamdar būl qyzmettı barlyq qalalar men audandarda paidalanady.
«İnvataksi qyzmetımen qamtu jyl saiyn ösude. Eger 2021 jyly qyzmet oblystyŋ segız aimaǧynda jūmys ıstese jäne 35 maşina bolsa, üş jyl ışınde taǧy bes aimaq qosylyp, 118 kölık boldy. Qazır qyzmet bükıl oblys boiynşa qoljetımdı», – dep habarlady jūmyspen qamtudy üilestıru jäne äleumettık baǧdarlamalar basqarmasynda.
Sonymen qatar, invataksidı paidalanuǧa qūqyly adamdar tızımı de köbeidı. Bastapqyda būl qyzmet tırek-qimyl apparaty, köru qabıletı būzylǧan adamdarǧa ǧana arnalǧan edı. Ötken jyldan bastap olardyŋ qataryna psihikalyq auytqulary bar balalar qosyldy.
– Menıŋ ūlym tört jasta, oǧan DSP diagnozy qoiylǧan. Astana qalasynan Qaraǧandyǧa jiı mamandar men jattyqtyruşylar keledı. Bız Abai qalasynda tūratyndyqtan, olardyŋ qabyldauyna baru qiyn bolatyn, öitkenı ekı apta qatarynan em alu üşın baru kerek edı. Avtobuspen erekşe balamen jüru qiyn, al taksi qymbat. Jaqynda bızdıŋ qalada invataksi qyzmetı jūmys ıstei bastady. Būl öte yŋǧaily boldy: jürgızuşıler sypaiy, aparady, kütedı jäne qaita alyp ketedı. Osyndai qoldau körsetkenı üşın memleketımızge alǧys aitamyn, – dep bölıstı Abai qalasynyŋ tūrǧyny Möldır.
– Būl mügedek adamdardyŋ ömırın jeŋıldetetın keremet joba. İnvataksi öte yŋǧaily: sızdı kıreberısten alyp, qajettı jerge jetkızedı. Men būl qyzmettı ünemı qoldanamyn. Eger būl bır kezderı taŋsyq bolsa, qazır ol äbden üirenşıktı jaǧdaiǧa ainaldy. Eşqandai problema joq, maşinalar jetkılıktı, – deidı Qamqor plus mügedekter qoǧamdyq bırlestıgınıŋ töraǧasy, Qaraǧandydaǧy Ten Qogam mügedektıgı bar adamdardy äleumettık beiımdeu ortalyǧynyŋ basşysy Niiaz Sündetaliev. – Jaqynda paidalanuşylar tızımı keŋeitıluı mümkın. Oblys äkımı jūmyspen qamtudy üilestıru jäne äleumettık baǧdarlamalar basqarmasyna 18 jastan asqan aqyl-esı kem adamdarǧa da būl qyzmettı tegın körsetu mäselesın qaraudy tapsyrdy.
Ötınış beru üşın arnaiy chat bar. Ötŋnım josparlanǧan sapardan bır kün būryn berıledı. Dispetchermen uaqyt kelısıledı.
Qyzmet aşyq jäne jariialy iuoluy üşın Qaraǧandyda ONAY! jüiesı engızıldı. İnvatakside validatorlar ornatylǧan, olar är sapardy tırkeidı.
