Bizdiń maqsatymyz ústemeaqy alý emes, naýqastardy emdeý – ınfekıonıst dáriger

2550
Adyrna.kz Telegram

Almaty oblysyna qarasty Qarasaı aýdandyq aýrýhanasynyń juqpaly aýrýlar bóliminde kornovırýs juqtyrǵan 7 naýqas jatyr. Bul týraly QazAqparat habarlaıdy.

Olardyń saýyǵyp aman-esen úılerine shyǵýyna dárigerler baryn salýda. Solardyń biri bólim meńgerýshisi Sáýle Baraqbaeva. Onyń úıine barmaǵanyna 20 kúnnen asyp ketken.

Sáýle Baraqbaeva 30 jyldyq tájirbıesi bar ınfekıonıst dáriger. Onyń aıtýynsha, álemdi ábigerge salǵan koronavırýs derti adamazatqa jiberilgen synaq. Bul indetti úmit pen senim jáne jaýapkershiliktiń arqasynda jeńip shyǵýǵa bolady. «Adamzat osy ýaqytqa deıin qanshama pandemııany bastan ótkerdi. Sondyqtan bul pandemııany da jeńip shyǵamyz. Oǵan úmit bar. Eń bastysy turyǵyndar óz densaýlyqtaryna nemquraılyq tanytpaýy qajet. Barlyq karantındik rejımdi saqtasa, kóp uzamaı bul qıynshylyqtar artta qalady»,– deıdi bilikti dáriger. Onyń aıtýynsha, búgingi kúni juqpaly aýrýlar bóliminde koronavırýs juqtyrǵan 7 naýqas jatyr. Báriniń jaǵdaıy qanaǵatanarlyq. Buǵan deıin bir paıent saýyǵyp úıine shyǵarylǵan. «Jalpy bólimde 9 dáriger, 45 medbıke jáne 40 sanıtarka jumys isteıdi. 30 medıına qyzmetkeri osy indetti emdeýge jumyldyrylǵan. Búginde 19 adam karantınde, 11-i jumysta. Mamandardyń úılerine barmaǵanyna bir aıǵa jýyqtady»,– deıdi bólim meńgerýshisi.

Sáýle Baraqbaevada otbasyn qatty saǵynǵan. Úı ishimen telefon arqyly qoly bosaǵanda ǵana sóılesedi. «Meniń úıge barmaǵanyma 20 kúnnen asyp ketti. Úıde anam, joldasym jáne 12 jastaǵy qyzym bar. Bárin qatty saǵyndym. Olarmen qolym bosaǵanda beıneqońyraý shalyp, sóılesemin. Men olardy, olar meni saǵynyp júr. Buıyrsa aman-esen otbasymen qaýysharmyn. Ázirge basty maqsatym naýqastarǵa kómektesý»,– deıdi Sáýle Baraqbaeva. Elimizde qaýiptiligi asa joǵary, joǵary jáne ortasha degen úsh dárejege saı ústemaqy tólene bastady. Atalmysh bólim dárigerleri qaýiptiligi joǵary sanatqa jatatyndyqtan, soǵan saı ústemaqylaryn aldy. «Osy joly jalaqyǵa qosymsha úkimetten ústemaqy tólendi. Bárimizdiń kartochkamyzǵa tústi. Úkimetke áripteseriminiń atynan alǵysymyzdy aıtamyn. Bizdiń bólimshege koronavırýspen qarym-qatynasta bolǵan kisilerdi ákeledi. Solarǵa bizdiń dárigerler birinshi kómek kórsetedi. Bizdiń maqsatymyz ústemaqy alý emes naýqastardy emdep shyǵarý»,- deıdi ol. Sondaı-aq, ol adamdardy karantın rejımin saqtap, úıden shyqpaýǵa shaqyrdy.

QazAqparat agenttigi

https://www.inform.kz/kz/bizdin-maksatymyz-ustemeaky-alu-emes-naukastardy-emdeu-infekcionist-dariger_a3637422

 

Pikirler