Shymkentte koronavırýs indetiniń aldyn alý maqsatynda áleýmettik turmysy tómen toptaǵy azamattarǵa jalpy sany 76 255 betperde tegin taratyldy.
Máselen, «Bekjan» bazary mańyndaǵy «Magným» iri saýda dúkender jelisinde Abaı aýdany ákimdigi atalmysh sýpermarketten aı saıyn azyq-túlik esebinde ataýly áleýmettik kómek alatyn 3 myńdaı otbasyǵa 32 myń dana betperdeni tegin taratty. Bul akııa tikeleı memlekettik bıýdjet qarajatyna uıymdastyryldy. Atalǵan akııa aldaǵy ýaqytta da jalǵasady.
Budan bólek, Báıdibek bı dańǵyly boıyndaǵy «Nauryz park» saýda kesheninde Qarataý aýdany ákimdigi ataýly áleýmettik kómek alatyn 5 400 otbasyǵa tegin 5 dana betperdeden úlestirdi. Akııa aıasynda 16 myń dana betperde taratyldy.
Eńbekshi aýdandyq ákimdigi de atalmysh akııaǵa úles qosty. «Teriskeı» shaǵynaýdanyndaǵy «Magným» iri saýda dúkeninde áleýmettik kómek alýshylar tiziminde turǵan 3114 turmysy tómen otbasynyń árqaısysyna bes-beseýden jalpy sany 15 570 kóp rettik betperde taratty.
Sondaı-aq ıgi shara Ál-Farabı aýdany ákimdigi tarapynan da uıymdastyryldy. Eski qala aýmaǵyndaǵy «Magným» saýda kesheninde osy dúkennen áleýmettik paket retinde aı saıyn azyq-túlik alatyn 2537 jaǵdaıy tómen otbasyǵa beseýden tegin 12 685 betperde berildi. Bul kóp rettik maskalar, sondyqtan sabyndap jýyp, qaıta qoldanýǵa jaramdy.
Aıta ketý kerek, Shymkenttegi bul ıgi is saqtyq sharalary aıaqtalǵanǵa deıin jalǵasa bermek.
