Shymkenttegi 172 bilim berý oshaǵynda 222 037 oqýshy bilim alady. Atap aıtqanda, 827 oqýshyǵa ınklıýzıvti bilim berilip, 702 oqýshyǵa «WhatsApp» messenjeri arqyly ońaltý sabaqtary júrgiziledi.
Úshinshi megapolıste qashyqtyqtan bilim berý boıynsha 187 640 (84,5%) oqýshy Respýblıkalyq «Balapan» jáne «Elarna»telearnalary arqyly bilim alýda.
Jergilikti telearnalar arqyly beıne sabaqtardy kórsetý jumystary uıymdastyrylyp, «Bilimland.kz», «Daryn Onlaın»sııaqty ınternet platformalaryn 118 740 (53,7%) oqýshy qoldanýda.
Bilim berý oshaqtarynda onlaın sabaqtardy «google class», «edu page» baǵdarlamalary arqyly — 15 954 (7,2%) bilim alýshy tıimdi paıdalanǵan.
Sonymen qatar «WhatsApp» messenjeri arqyly barlyq muǵalimder oqýshylarmen keri baılanysqa shyǵyp, «Kúndelik», «Aı mektep» elektrondy jýrnaldarynda baqylanýda.
Nátıjesinde, 166 mekteptiń «Kúndelik» elektrondy jýrnalyna kirýi — 93,5 %, 6 mektep boıynsha «Aı mektepti» qoldaný kórsetkishi — 61,8%-dy qurady.
Qaladaǵy 30 364 az qamtylǵan otbasy balalarynyń ishindegi kompıýterdi qajet etetin 17 616 oqýshyǵa mektepterdegi kompıýterdi ýaqytsha paıdalanýǵa berip, ınternet máselesi bilim uıymdaryndaǵy qarjy esebinen sheshimin tapqan.
Oqýshylardyń 96,7%-y ártúrli mobıldi baılanys arqyly ınternetke qosylǵan. Ol — 214 613 oqýshy.
Qala mektepterindegi barlyq 17 253 muǵalim elektrondy qurylǵylar men ınternet jelisin qamtamasyz etilgen.
Bilim basqarmasy tarapynan bir kózden satyp alý júıesinde 2 250,0 mln.tg. qarjyǵa 9000 kompıýter satyp alý jumystary jedel qarastyrylýda.
