M.Áýezov atyndaǵy Qazaq memlekettik akademııalyq drama teatrynyń aktrısasy Ajarlym Maǵzýmmen suhbat
- Tanymal bolý adamdy qanshalyqty ózgertedi?
- Tanymaldylyq ár kimge ár túrli áser etedi. Óz basym tanymal bolyp, boıymnan keremetteı ózgeristerdi baıqaǵan emespin, sebebi ózimdi tanymal aktrısamyn deı almaımyn. Biraq, kóp jaǵdaıda tanymal adamdar óte qarapaıym bolyp keledi. Árıne juldyz aýrýy dep jatamyz. Menińshe, óner adamy bul ýaqyttan da ótýi kerek sekildi. Tanymaldylyq adamdy ózin-ózi qamshylap tárbıeleýge, halyq aldyndaǵy bedeliniń qalyptasýyna da septigin tıgizedi. Pende bolǵasyn ár adamnyń óz shyndyǵy bolady, eshkim ózin perishtemin deı almaıdy. Alaıda qansha tanymal bolsań da,qarapaıym qalpyńda qalýyń kerek. Bul seniń adam bop qalyptasýyńnyń belgisi.
- Sahnada ne nárseden qorqasyz?
- Kishkentaı kezimde túrli qyzyqtar bastan ótken ( kúlidi).Eń alǵash sahnaǵa shyqqan kezim esime túsip otyr. Men ol kezde barynsha daıyndalǵan bolatynmyn,biraq sahnaǵa shyqqanda qatty qobaljydym.Ol kezde sahnada turǵan ózim emes, basqa bir adam men úshin sahnada júrgendeı sezildi. Tipti qatty ýaıymdaǵannan murnymnan qan ketken bolatyn. Essiz oınap shyqqan kezim dese de bolady, ne aıtqanymdy da bilmeımin. Sondaı qyzyqtar da basymnan ótken.
- Óner adamy jeke ómirine qanshalyqty kóńil bóledi?
- Óner joly kez- kelgen adamnyń ýysyna túse bermeıdi. Bul mamandyqqa kelgen adam rýhanı mahabbatty tolyqtaı sezine almaıdy. Basqa mamandyqtan eresheligi de sonda. Jalpaq tilmen aıtqanda óner jolyn tańdaǵan adam osy joldyń artynan ketedi. Sol úshin de óner adamy jeke ómirine tolyqtaı ýaqyt bóle almaıdy. Árıne, óner joly bir tóbe desek te jeke ómirdi ysyryp tastaýǵa da bolmaıdy. Óner joly-uly jol, bul mamandyqqa júreginde túgi bar jandar keledi.
- Ózińizge unamaǵan róldi somdaǵan kezińiz boldy ma?
- Men syrt kózge momyn, lırık adam bolyp kórinemin. Biraq ózimniń ishki harakteri bar adammyn. Keıde tabıǵatyńa jat róldi somdaýǵa týra keletin kezder bolady. Biraq, aktrısa retinde kez-kelgen róldi janymmen qabyldap, barynsha sátti shyǵýyna jaǵdaı jasaımyn. Somdaǵan rólimniń barlyǵy kóńilimnen shyǵady.
- Kórermenniń qazirgi talaby qandaı, syn qabyldaı alasyz ba?
- Syn aıtylǵan jerde nátıje bar. Teatrymyzǵa eńbegi sińgen aktrısalar, qoıylymnan keıin óz aqylyn aıtyp jatady. Bul meni qýantady. Keıde, jumysyma syn aıtylmasa renjımin. Kóp jaǵdaıda qatelikti óz boıymnan ózim izdeıtin adammyn. Árıne, syn aıtylǵan jaqsy.
Qazirgi kórermenniń talaby óte joǵary. Kórermen qoıylymdy aldyn ala talǵap, taldap keledi. Spektaklden keıin kórermender bizdiń áleýmettik jelige óz pikiri men lebizderin jazyp jatady. Solardy oqyp otyrsań, týra bir synshy dersiń. Qazirgi kórermenderdiń talaby da talǵamy da joǵary, biz de soǵan laıyq jumys jasaýǵa tyrysamyz.
- Teatrǵa qanshalyqty kóńilińiz tolady, bizdiń teatrǵa ne jetispeıdi?
- Teatr sóz óneri. Aǵa býynnyń teatrdaǵy eńdekterin beıne taspadan jıi kórip turamyz. Ol kisiler naǵyz ónerdiń sara jolyn qalyptastyrǵan tulǵalar. Biraq, ýaqyt óte kele ár zamannyń óz talaby qalyptasady. Sol sekildi de teatr joldan-jylǵa tolyǵyp, tolysyp keledi. Jaqynda ǵana Oral qalasyna is saparǵa bardyq. Meniń rıza bolǵan sebebim, kórermender qoıylymdy joǵary deńgeıde qabyl aldy. Qazirgi ýaqytta qazaq teatrynyń juldyzy jaryq. Ákem teatrǵa teńesip keletin oblys teatrlaryn kórgende júzińe qýanysh syılaıdy. Bul degeniń teatr ónerniń qundylyǵy barǵan saıyn artyp kele jatqanyn baıqatady. Kerisinshe qazaq teatry óz baǵytyn jalǵastyryp, qundylyǵyn keńinen jaıyp keledi.
- Sahnada sózińizdi umytyp qalǵan kezińiz boldy ma, ondaı sıtýaııadan qalaı shyǵasyz?
-Keıde boıyńa sińgen sózińdi bir mezette umytyp qalatyn kezder bolady. Bundaı jaǵdaıda partneryń kómektesedi. Seniń kózińe qarap, áıteýir birdeńeni oılap tabady. Sózge tartyp, ary qaraı oınatyp ala ketedi.Tipti, eshqandaı shıkilik baıqalmaıdy. Osy turǵyda óz partnerlerime raqmet aıtqym keledi.
- Qazaq kórýi kerek úsh spektakl!
- Ár qazaq kórýi kerek spektakl: "Abaı"," Qarakóz", "Tomırıs". Keıde kúıbeń tirshiliktiń ortasynda júrip, kitap oqýǵa ýaqyt taba bermeımiz. Men kórermenderdi osy úsh spektakldi kórýge shaqyramyn. Bul naǵyz qazaqy ıis ańqyǵan týyndylar. Barlyq adamǵa rýhanı baılyq syılaıtyny sózsiz.
- Qyz balasyna óner joly aýyr dep jatady, qanshalyqty ras?
- Óner jolynda júrý ońaı emes. Óner joly basqalarǵa ózińdi únemi dáleldeýdi talap etedi. Bul mamandyqta artqa qaraı sheginý joq. Báıgege qosqan júırik attaı únemi qamshylanyp turýyń kereksiń. Bir ýaqytta ózińdi bosatyp jiberseń, onda kóshten qaldyń degen sóz. Artymyzda ókshemizdi basyp kele jatqan jas býyndar jeterlik. Óz ýaqytym kelgenshe, eshteńeni joǵaltpaı babymda júrýge tıispin. Únemi ózińdi dáleldeýmen ótesiń.
- Suhbatyńyz raqmet. Shyǵarmashylyq shabyt tileımin!
Suhbattasqan Algojaeva Mııa
( T.Júrgenov at. QazUÓA, I kýrs, kınoteledramatýrg)
