"Qazaqşa söilemedı", "Türmeden djippen şyqty" degen qoǧam būl geniidı de baǧalamaidy-au...

Mūhtar Jakişevtıŋ efirı boldy. Bır mezgılde 2900 adam qarap otyrdy. Negızgı oilary: 1. Densaulyǧyma bailanysty künıne 2 saǧat qana jūmys ıstei alamyn. 2. Eldegı ekonomikalyq jaǧdaiǧa qatysty tolyq aqparatym joq. Sondyqtan belgılı bır saraptama jasaudan aulaqpyn. Men ömır boiy aqparatym tolyq emes salalarda pıkırımdı bıldırgen emespın. 3. Atom elektr stansiiasy Qazaqstanǧa kerek. Bızge quat küşı 300 mgb atom stansiiasy qajet. 4. Atom stansiiasynyŋ jūmys ısteu merzımı orta eseppen 60 jyl. Būl tūtynuşyǧa arzan elektr quatyn paidalanuǧa mümkındık beredı. 5. "Efirge şyqpaŋyz, "Nūrbottar" ärtürlı sūraq qoiady" degenderge aitarym men sondai ömırlık täjıribeden ötken adammyn menı belgılı bır kommenttermen oiymnan ainytu qiyn. 6. Menıŋ jaqsy köretın ısım - jaŋa jūmys oryndaryn aşatyn käsıporyndar qūru. 7. Karantin kezınde barynşa qauıpsızdık erejelerın saqtaǧan jön. Asqynyp ketse bızdıŋ medisinanyŋ şamasy jetpeidı ärı ekonomikaǧa ziiany da artady. 8. Virusty belgılı toptar vaksina satu üşın nemese basqa maqsatta ädeiı şyǧardy dep oilamaimyn. Būl auraudan bükıl älem ekonomikasy eŋ ülken zardaptar men şyǧyndardy körıp jatyr. 9. Būl krizis 2008 jyly bolǧan krizisten de auyr bolady. Sebebı tek mūnai baǧasy tüsıp jatqan joq. Ekonomikanyŋ qyzmet körsetu, şaǧyn jäne orta biznes salalary toqtap jatyr. Olar biudjetke salyq tölemegenımen qoimai, memlekettıŋ qoldauyna da mūqtaj. Jalpy alǧanda bır demmen tyŋdap şyqtym. Qūrmetım artty. Bılımdı. 11 jyl türme syndyrmaǧan. Ruhty. Efirın körıp otyryp qoǧamǧa janym aşydy. "Qazaqşa söilemedı", "Türmeden djippen şyqty" degen qoǧam būl geniidı de baǧalamaidy-au. Qor qylyp jıbermese eken degen oi qaita-qaita oiyma kele berdı. Bılımı köp qazaqty on orap alatyn, 11 jyl türmede otyrsa da synbaǧan tūlǧany aldaǧy uaqytta balaǧynan tartyp, är jerden bır ürıp, joq qylyp tastamasa eken bızdıŋ qoǧam. Öte naşar qoǧamdyq deŋgeidemız bız qazır. Şyny osy.