ShYMKENT: ÁKIM PERZENTHANANYŃ KÚRDELI JÓNDEÝ JUMYSTARYMEN TANYSTY

Shymkent qalasynyń ákimi Murat Áıtenov qalalyq perzenthanada júrip jatqan kúrdeli jóndeý jumystarymen tanysty.
Búginde medıınalyq uıymǵa tıesili 6 ǵımaratta kúrdeli jóndeý jumystary qarqyndy júrýde. Merdiger kompanııa sáýirdiń sońynda alǵashqy 3 korpýstyń qurylysyn bitirýdi jáne 3 ǵımarattyń kúrdeli jóndeýin kúzge deıin aıaqtaýdy josparlap otyr.
Bıýdjetten 1,7 mlrd. teńge qarjy qaralǵan nysandaǵy jumystarmen tanysqan qala ákimi qanaǵattanarlyq dep baǵa berdi.
Qazirgi tańda qalalyq perzenthananyń eski ǵımaratynda qajetti em-dom alýda. Jóndeý jumystary aıaqtalysymen jańa bólimge kóshiriledi.
Nysan tolyqtaı sońǵy úlgidegi medıınalyq qondyrǵylarmen jabdyqtalyp, zaman talabyna saı jańǵyrtylyp jatyr. Qurylys barasynda qala ákimi ǵımarat mańynda avtoturaq máselesin sheshýdi tapsyrdy. Qajet bolǵan jaǵdaıda qos qabatty ashyq avtoturaq salýǵa bolatynyn aıtty.
– Jalpy qalalyq perzenthanada jyl saıyn 9 myń náreste dúnıege keledi. Jóndeý jumystary aıaqtalǵannan keıin munda jylyna 10 myń ananyń bosanýyna múmkindik jasalatyn bolady, deıdi perzenthananyń bas dárigeri Mádına Kenjebaeva.