BǴM telearnalar arqyly sabaq ótkizýge daıyndalýda

2262
Adyrna.kz Telegram

IýNESKO-nyń aqparatyna sáıkes, búgingi tańda 107 memlekette orta bilim beretin mektepter tolyq jabylǵan. Bul – 861 mln oqýshy bilim alýyn toqtatty degen sóz. Buǵan qosa, 12 eldiń keıbir qalasynda orta bilim berý oshaqtary jumys istemeıdi.

Bilim jáne ǵylym mınıstri Ashat Aımaǵambetovtiń aıtýynsha, osyǵan baılanysty birqatar memlekettiń aldynda osy úderis saldaryn azaıtý jáne úzdiksiz bilim berýdi qamtamsyz etý úshin múmkindik jasaý mindeti tur.

Aqparat quraldarynan qashyqtan oqytatyn túrli platformalar týraly qarama-qaıshy jazbalardy kózim shalyp qaldy. Bilim berýdiń ár deńgeıi úshin túrli oqytý júıeleri usynylýda. Sondyqtan qashyqtan oqytý boıynsha júrgizilip jatqan jumys týraly taǵy bir márte jazýdy qajet dep sanadym. Osy post arqyly atqarylyp jatqan jumys týraly tuymdy aqparat berýge jáne ózimniń kózqarasymmen bólisýge tyrysamyn, - dep atap ótti mınıstr.

Ol qashyqtyqtan oqytýdy 7 baǵytqa bólip, túsindirip ótti:

1. "Qashyqtan oqytý aıtarlyqtaı ońaı, ári jeńil me?", "Bilim berý uıymdary 100% qashyqtyqtan oqytý formatyna kóshe ala ma?" degen syndy saýaldar jıi qoıylýda. Álbette, bári aıtarlyqtaı ońaı emes. Orta bilim berý júıesine qatysty úlken jumys atqarylýda, qazirdiń ózinde nátıje bar dep aıtýǵa bolady.

- Tehnıkalyq jáne kásiptik bilim berý uıymdarynyń basym bóliginde aqparattyq júıe bar jáne qoldanylýda. Arasynda esh qıyndyqsyz, sátti paıdalanyp júrgenderi de, jańa formatqa endi beıimdele bastaǵandary da bar. Aqparattyq júıeler men platformalardy oqý oryndary qajetti kontentpen qamtamasyz etýde. Aıta keteıin, kolledjderge qashyqtan oqytý barysynda qıyndyq týǵyzatyn keıbir pánderdi kelesi kýrsqa qaldyrýǵa keńes berdik.

- Joǵary bilim deńgeıine keletin bolsaq, shyn máninde tolyq daıyndyq bar. JOO-nyń basym kópshiligi sońǵy eki jylda birqatar tehnologııany paıdalyp júr. Sondyqtan daıyndyq deńgeıleri jaqsy. Máselen, QazUÝ, KIMEP, ShQMTÝ, UIB, SDÝ jáne taǵy basqa ýnıversıtetter úshin bul formatta sapaly bilim berý esh qıyndyq týǵyzbaýda. Degenmen, keıbir jekemenshik joǵary oqý oryndary turaqty baqylaýǵa alynyp, olarǵa ádistemelik jáne tehnıkalyq qoldaý kórsetilýde.

2. Biz arnaıy jumys tobyn qurdyq. Onyń quramyna qashyqtan bilim berý salasynda jumys isteıtin Bilimland, Daryn.online, "Kúndelik", Univer, Platonus, EduPage, BIL, BTS education, U-study ı AGS syndy uıymdardyń ókilderi jáne pedagogter, ádiskerler, mektep dırektorlary, dırektorlardyń oqý isi jónindegi orynbasarlary jáne JOO prorektorlary endi.

Bul rette jumys birneshe baǵyt boıynsha júrgizilýde. Máselen:

A) Tapsyrmalardy berýdi, olardyń oryndalýyn tekserýdi, baǵalaýdy jáne keri baılanysty qamtamasyz etetin aqparattyq júıelerdi engizý;

B) Bilim alýshylar beıne-sabaqtarǵa qatysyp, tapsyrmalar alyp, qajet bolǵan jaǵdaıda pedagogterdiń óz synybymen onlaın-talqylaý, baǵalaý boıynsha nemese beıne-strımıng servısterin paıdalana alýyn qamtamasyz etetin júıelerdi iske qosý;

V) Telearnalar arqyly sabaq ótkizýge daıyndalýdamyz. Onda beıne-sabaqtar sabaq kestesine saı kórsetiletin bolady. Bul tetik, ásirese, ınternet qýaty álsiz jáne qajetti qural-jabdyqtarǵa qatysty qıyndyqtary bar aýyldyq bilim berý uıymdary úshin ózekti.

Biz úshin barlyq sabaq orta bilim berýdiń memlekettik jalpyǵa mindetti standartyna saı oqý baǵdarlamasy boıynsha, sabaq kestesine sáıkes, ıfrlyq bilim berý resýrstary boıynsha ádistemelik qoldaýmen jáne mýltımedıalyq materıaldarmen qamtamasyz etilip, ustazdar úshin aldyn ala ázirlengen jospar boıynsha júrgizilgeni mańyzdy.

3. Bastysy, bilim alý tetigi sapaǵa áser etpeýi qajet. Pedagogterimiz ben oqýshylarymyzdyń ıfrlyq saýattylyǵyn damytý qajet ekendigi de basty nazarda. Olar úshin arnaıy kýrstar ótkizilip, nusqaýlyqtar ázirlenetin bolady. Qazirdiń ózinde muǵalimder úshin ıfrlyq resýrstardy paıdalaný boıynsha biraz vıdeodárister ázirlendi. Inklıýzıvtik bilim berý, jańa tehnologııalardyń qoljetimdiligine qatysty prınıpter eskeriletin bolady.

4. Internet provaıderleri men baılanys operatorlary boıynsha DIAÓM-men birlesip jumys júrgizýdemiz. Osy kezeńde bilim berý resýrstaryn paıdalaný barysynda trafık eseptelmegeni durys. Osy másele boıynsha premer-mınıstr tarapynan tıisti tapsyrma berildi jáne qoldaý kórsetildi.

5. Kóptegen iri platforma óz qyzmetterin tegin usynyp jatyr. Bul jumysymyzdy birshama jeńildetti. Qazirgi ýaqytta Zoom strımıngtik servısi men Coursera dep atalatyn iri platformalardyń biri tegin qyzmet kórsetýde. Sondaı-aq, Google Classroom, Hangout, "Kúndelik", "Moodle" júıelerin tegin qoldanýǵa bolady. Sonymen qatar, Bilimland» platformasy óziniń 40 myńnan astam kontentin tegin usyndy.

6. Qashyqtyqtan oqytýǵa keletin bolsaq, biz ony onlaın-oqytýmen shatastyrmaýymyz kerek. Qashyqtyq formatynyń uǵymy áldeqaıda aýqymdy jáne birden birneshe ádisterdi paıdalanýǵa múmkindik beredi. Mundaı format sabaqty geımıfıkaııalaýǵa (oıyn túrinde ótkizýge), ózin-ózi shıraý deńgeıin arttyrýǵa, eń bastysy, oqytýdy derbestendirýge múmkindik beredi. Bul – biz qol jetkizýge umtylyp otyrǵan qajetti, ári tıimdi oqytý júıesi.

7. Ártúrli platformalar arasynda básekelestik bar ekenin baıqap otyrmyz, osal tustary da anyqtalyp jatyr. Biraq mundaı kórsetkish tek qyzmet kórsetý sapasyna jáne qoljetimdiligine áser etetinine senimdimiz. Mınıstrlik tarapynan olarǵa orta bilim berýdiń memlekettik jalpyǵa mindetti standartyna jáne tıptik arnaıy jalpy bilim berýdiń oqý baǵdarlamasyna saı talaptar ázirlendi.

Qarqyndy jumys júrgizilýde. Keıde ártúrli tásilder men sheshimderdi qabyldaýdy qajet etedi. Biz 5 sáýirge deıin aqparattyq júıelerdi daıyndap úlgerýimiz kerek. Olardy tıisti kontentpen qamtamasyz etip, synap kórýimiz qajet. Sondaı-aq, 6 sáýirden bastap qajet bolǵan jaǵdaıda jańa formatta sabaq alýǵa beıimdeýge tıispiz.

Oqýshylarmen, stýdenttermen, ata-analarmen jáne pedagogtemen birigip qashyqtan oqytýdyń sapaly júıesin qura alatyndyǵymyzǵa senimdimin.

Eń bastysy, biz árdaıym keri baılanysty, usynystar men tyń ıdeıalardy qýana qabyldaýǵa daıynbyz - dep jazdy mınıstr.

baq.kz

Pikirler