IýNESKO-nyŋ aqparatyna säikes, bügıngı taŋda 107 memlekette orta bılım beretın mektepter tolyq jabylǧan. Būl – 861 mln oquşy bılım aluyn toqtatty degen söz. Būǧan qosa, 12 eldıŋ keibır qalasynda orta bılım beru oşaqtary jūmys ıstemeidı.
Bılım jäne ǧylym ministrı Ashat Aimaǧambetovtıŋ aituynşa, osyǧan bailanysty bırqatar memlekettıŋ aldynda osy üderıs saldaryn azaitu jäne üzdıksız bılım berudı qamtamsyz etu üşın mümkındık jasau mındetı tūr.Aqparat qūraldarynan qaşyqtan oqytatyn türlı platformalar turaly qarama-qaişy jazbalardy közım şalyp qaldy. Bılım berudıŋ är deŋgeiı üşın türlı oqytu jüielerı ūsynyluda. Sondyqtan qaşyqtan oqytu boiynşa jürgızılıp jatqan jūmys turaly taǧy bır märte jazudy qajet dep sanadym. Osy post arqyly atqarylyp jatqan jūmys turaly tūşymdy aqparat beruge jäne özımnıŋ közqarasymmen bölısuge tyrysamyn, - dep atap öttı ministr.Ol qaşyqtyqtan oqytudy 7 baǧytqa bölıp, tüsındırıp öttı: 1. "Qaşyqtan oqytu aitarlyqtai oŋai, ärı jeŋıl me?", "Bılım beru ūiymdary 100% qaşyqtyqtan oqytu formatyna köşe ala ma?" degen syndy saualdar jiı qoiyluda. Älbette, bärı aitarlyqtai oŋai emes. Orta bılım beru jüiesıne qatysty ülken jūmys atqaryluda, qazırdıŋ özınde nätije bar dep aituǧa bolady. - Tehnikalyq jäne käsıptık bılım beru ūiymdarynyŋ basym bölıgınde aqparattyq jüie bar jäne qoldanyluda. Arasynda eş qiyndyqsyz, sättı paidalanyp jürgenderı de, jaŋa formatqa endı beiımdele bastaǧandary da bar. Aqparattyq jüieler men platformalardy oqu oryndary qajettı kontentpen qamtamasyz etude. Aita keteiın, kolledjderge qaşyqtan oqytu barysynda qiyndyq tuǧyzatyn keibır pänderdı kelesı kursqa qaldyruǧa keŋes berdık. - Joǧary bılım deŋgeiıne keletın bolsaq, şyn mänınde tolyq daiyndyq bar. JOO-nyŋ basym köpşılıgı soŋǧy ekı jylda bırqatar tehnologiiany paidalyp jür. Sondyqtan daiyndyq deŋgeilerı jaqsy. Mäselen, QazŪU, KİMEP, ŞQMTU, UIB, SDU jäne taǧy basqa universitetter üşın būl formatta sapaly bılım beru eş qiyndyq tuǧyzbauda. Degenmen, keibır jekemenşık joǧary oqu oryndary tūraqty baqylauǧa alynyp, olarǧa ädıstemelık jäne tehnikalyq qoldau körsetılude. 2. Bız arnaiy jūmys tobyn qūrdyq. Onyŋ qūramyna qaşyqtan bılım beru salasynda jūmys ısteitın Bilimland, Daryn.online, "Kündelık", Univer, Platonus, EduPage, BİL, BTS education, U-study i AGS syndy ūiymdardyŋ ökılderı jäne pedagogter, ädıskerler, mektep direktorlary, direktorlardyŋ oqu ısı jönındegı orynbasarlary jäne JOO prorektorlary endı. Būl rette jūmys bırneşe baǧyt boiynşa jürgızılude. Mäselen: A) Tapsyrmalardy berudı, olardyŋ oryndaluyn tekserudı, baǧalaudy jäne kerı bailanysty qamtamasyz etetın aqparattyq jüielerdı engızu; B) Bılım aluşylar beine-sabaqtarǧa qatysyp, tapsyrmalar alyp, qajet bolǧan jaǧdaida pedagogterdıŋ öz synybymen onlain-talqylau, baǧalau boiynşa nemese beine-striming servisterın paidalana aluyn qamtamasyz etetın jüielerdı ıske qosu; V) Telearnalar arqyly sabaq ötkızuge daiyndaludamyz. Onda beine-sabaqtar sabaq kestesıne sai körsetıletın bolady. Būl tetık, äsırese, internet quaty älsız jäne qajettı qūral-jabdyqtarǧa qatysty qiyndyqtary bar auyldyq bılım beru ūiymdary üşın özektı. Bız üşın barlyq sabaq orta bılım berudıŋ memlekettık jalpyǧa mındettı standartyna sai oqu baǧdarlamasy boiynşa, sabaq kestesıne säikes, sifrlyq bılım beru resurstary boiynşa ädıstemelık qoldaumen jäne multimedialyq materialdarmen qamtamasyz etılıp, ūstazdar üşın aldyn ala äzırlengen jospar boiynşa jürgızılgenı maŋyzdy. 3. Bastysy, bılım alu tetıgı sapaǧa äser etpeuı qajet. Pedagogterımız ben oquşylarymyzdyŋ sifrlyq sauattylyǧyn damytu qajet ekendıgı de basty nazarda. Olar üşın arnaiy kurstar ötkızılıp, nūsqaulyqtar äzırlenetın bolady. Qazırdıŋ özınde mūǧalımder üşın sifrlyq resurstardy paidalanu boiynşa bıraz videodärıster äzırlendı. İnkliuzivtık bılım beru, jaŋa tehnologiialardyŋ qoljetımdılıgıne qatysty prinsipter eskerıletın bolady. 4. İnternet provaiderlerı men bailanys operatorlary boiynşa SDİAÖM-men bırlesıp jūmys jürgızudemız. Osy kezeŋde bılım beru resurstaryn paidalanu barysynda trafik eseptelmegenı dūrys. Osy mäsele boiynşa premer-ministr tarapynan tiıstı tapsyrma berıldı jäne qoldau körsetıldı. 5. Köptegen ırı platforma öz qyzmetterın tegın ūsynyp jatyr. Būl jūmysymyzdy bırşama jeŋıldettı. Qazırgı uaqytta Zoom strimingtık servisı men Coursera dep atalatyn ırı platformalardyŋ bırı tegın qyzmet körsetude. Sondai-aq, Google Classroom, Hangout, "Kündelık", "Moodle" jüielerın tegın qoldanuǧa bolady. Sonymen qatar, Bilimland» platformasy özınıŋ 40 myŋnan astam kontentın tegın ūsyndy. 6. Qaşyqtyqtan oqytuǧa keletın bolsaq, bız ony onlain-oqytumen şatastyrmauymyz kerek. Qaşyqtyq formatynyŋ ūǧymy äldeqaida auqymdy jäne bırden bırneşe ädısterdı paidalanuǧa mümkındık beredı. Mūndai format sabaqty geimifikasiialauǧa (oiyn türınde ötkızuge), özın-özı şirau deŋgeiın arttyruǧa, eŋ bastysy, oqytudy derbestendıruge mümkındık beredı. Būl – bız qol jetkızuge ūmtylyp otyrǧan qajettı, ärı tiımdı oqytu jüiesı. 7. Ärtürlı platformalar arasynda bäsekelestık bar ekenın baiqap otyrmyz, osal tūstary da anyqtalyp jatyr. Bıraq mūndai körsetkış tek qyzmet körsetu sapasyna jäne qoljetımdılıgıne äser etetınıne senımdımız. Ministrlık tarapynan olarǧa orta bılım berudıŋ memlekettık jalpyǧa mındettı standartyna jäne tiptık arnaiy jalpy bılım berudıŋ oqu baǧdarlamasyna sai talaptar äzırlendı. Qarqyndy jūmys jürgızılude. Keide ärtürlı täsılder men şeşımderdı qabyldaudy qajet etedı. Bız 5 säuırge deiın aqparattyq jüielerdı daiyndap ülgeruımız kerek. Olardy tiıstı kontentpen qamtamasyz etıp, synap köruımız qajet. Sondai-aq, 6 säuırden bastap qajet bolǧan jaǧdaida jaŋa formatta sabaq aluǧa beiımdeuge tiıspız. Oquşylarmen, studenttermen, ata-analarmen jäne pedagogtemen bırıgıp qaşyqtan oqytudyŋ sapaly jüiesın qūra alatyndyǧymyzǧa senımdımın.
Eŋ bastysy, bız ärdaiym kerı bailanysty, ūsynystar men tyŋ ideialardy quana qabyldauǧa daiynbyz - dep jazdy ministr.
baq.kz
Ūqsas jaŋalyqtar
