Astana qalasy Saryarqa audanynda 16 mausym künı keşkısın jataqhanaǧa ainaldyrylǧan ekı qabatty üiden ört şyqty. Tötenşe jaǧdai qyzmetkerlerı örttı söndırdı. Būl turaly Tötenşe jaǧdailar ministrlıgı jariialady, dep habarlaidy “Adyrna” ūlttyq portaly.
Naqtylanǧan aqparat boiynşa, mansardtyq tūrǧyn üidıŋ jäne oǧan bekıtılgen bır qabatty jūmsaq jihazdy qalpyna keltıru sehynyŋ şatyry jandy.
Zardap şekken adam bar. Uly gazben ulanǧan 1935 jyly tuǧan azamat jedel järdem qyzmetkerlerıne tapsyryldy.
“Bügın tünde Saryarqa audanynda jataqhanaǧa jabdyqtalǧan ekı qabatty tūrǧyn üidıŋ jäne onyŋ janyna salynǧan bır qabatty jūmsaq jihazdy qalpyna keltıru sehynyŋ örtenuı oryn aldy”, delıngen habarlamada.
Ört söndıruşıler 150 ş.m.bolatyn janu alaŋyn tolyǧymen söndırdı. Ūqsas jaŋalyqtar
