Keşeden berı düiım eldı dürlıktırgen "Marker" taqyrybyna nükte qoiatyn kez kelgen siiaqty. Omar Jaleluly aǧamyzdy "dūrys tüsınbei qalǧanymyzdy" däleldegısı kelıp baqqan, tüienı jabumen jasyrǧysy kelıp äbıgerge tüsken sanauly jandardan basqa, negızgı basym köpşılık onyŋ dörekı teŋeu jasaǧanyn moiyndap otyr. Eŋ quantatyny, men körgen syni pıkırlerdıŋ köbın ER AZAMATTARYMYZ jazǧan eken. Esesıne keibır äielder öz qyzdaryn özderı jerge alyp ūryp, oqymai-aq baiǧa tisın dep özeuregenı şoşytty... Aldynda ǧana "Tauar" taqyrybyna eşteŋe demesem de, būl joly bır auyz pıkırımdı bıldırgendı jön kördım. ÖITKENI, bır üide bır ūl, üş qyz östık, al ASYL ÄKEMIZ bızdı QUANYŞQA, OTBASYNYŊ NŪRYNA, ŞATTYǦYNA teŋeitın. "Qūdai bere salǧan qyzdarym!" dep erkeletetın. Bärımızge "Oqyŋdar, toqyŋdar, sosyn süigenderıŋe qosylyŋdar. Eŋ bastysy, qolymnan ūzatyp alyp ketse bolǧany", deitın. Allaǧa şükır, üş qyz üş jüzdıŋ azamatyna tūrmysqa şyǧyp, är şaŋyraqtyŋ berekesın kırgızıp otyrmyz.
SONYMEN QATAR, özım de köpbalaly anamyn. Onyŋ üşeuı - QYZDAR. Közımızdıŋ nūry, aqyl tūnǧan altyndarymyzdy töbemızge köteremız. ÖITKENI qazırden otbasy meiırımı men mahabbatyn sezınıp ösken qyz ǧana ERTEŊGI KÜNI BARǦAN JERIN BAQYTTY ETE ALATYNYNA BEK SENIMDIMIZ. Ūlttyŋ keleşek tärbiesı qyzdarda ekenı ras bolsa, aialy alaqanymyzdaǧy gülderımızdı qadırlep, JANYN JARALAR SÖZ AITPAǦANDA ǦANA, keleşekte oqu-bılımmen susyndaǧan közı aşyq qazaq qyzy, aiauly ana, ibaly kelın etıp tärbielei alamyz.
Menen köpbalaly ana bola otyryp, jūmysyŋa da ülgerıp, qonaǧyŋdy da kütıp, tärbienı de berıp, özıŋdı de damytyp: doktoranturany sättı oqyp, ǧylym-bılımge qalai uaqyt taptyŋ dep jiı sūraidy.
Jauabym: ASYL AZAMATYM, JAR QADIRIN BILETIN OTAǦASYMNYŊ DEMEUI men ūl-qyzymnyŋ aldynda laiyqty ülgı bolaiyn degen ERIK-JIGERIMNIŊ ARQASYNDA! Qazır közı aşyq jıgıtterge de özıne sai közı aşyq qyzdar kerek. Sondyqtan, oqyŋyzdar, toqyŋyzdar, qyzdar, sıŋlılerım! ÄJELERIMIZDE TAŊDAU BOLǦAN JOQ, äitpese, bärı oqyr edı. Eşkımnıŋ tūqyrtuyna jol bermeŋızder! Aldymen tek mansapty oilaityn Europa äielıne de elıktemeŋızder. On jastan asar-aspasta äke-şeşesı küieuge berıp jıberetın, sosyn tek küibeŋ tırşılıkten köz aşpai, sanasy damymaǧan küide küibeŋdep ötetın arab-ündı-auǧan modelıne de qyzyqpaŋyzdar.
Bızdıŋ ūlt (äzırge) asa köp bolmasa da, SAPALY BOLU KEREK. OL ÜŞIN ūlymen qatar qyzy da bılımdı, senımdı, kökıregı oiau boluy kerek. Eŋ bastysy, ūlttyq özekterıŋızge när berıp otyrsaŋyzdar, zamannyŋ kez kelgen talabynyŋ üdesınen şyǧatyndaryŋyzǧa şyn köŋılden senem!
Ūqsas jaŋalyqtar
