9 mausym künı Los-Andjeleste ötıp jatqan jappai narazylyq şaralaryn tüsıru kezınde avstraliialyq 9News telearnasynyŋ tılşısı Loren Tomasi jaraqat aldy. Būl turaly telearnanyŋ resmi saitynda jariialandy, dep habarlaidy “Adyrna”.
Oqiǧa tılşı tıkelei efirde reportaj jürgızıp jatqan sätte oryn alǧan. Köşe ortasyndaǧy tüsırılım kezınde onyŋ sol aiaǧyna tızeden tömen jerge rezeŋke oq tigen. Oqty narazylyqty baqylap tūrǧan amerikalyq polisiia qyzmetkerlerınıŋ bırı atqan.
Telearna mälımetıne säikes, tılşı qaqtyǧystardyŋ qyzǧan ortasynda qalyp qoiǧan. Zardap şekkennen keiın ol dereu medisinalyq kömekke jügındı. Jurnalistıŋ ömırıne qauıp tönıp tūrǧan joq.
Būl oqiǧa AQŞ-ta üşınşı kün qatarynan jalǧasyp jatqan jappai narazylyq şaralary kezınde tırkeldı. Narazylyqtar zaŋsyz migranttardy anyqtauǧa arnalǧan polisiia reidınen keiın bastalǧan bolatyn. Reid barysynda 45 adam ūstaldy.
7 mausymda AQŞ prezidentı Donald Tramp tärtıpsızdıkterdıŋ aldyn alu maqsatynda Kaliforniia ştatyna ūlttyq gvardiia küşterın jıberu turaly būiryq bergen. Būl şeşımdı 22 ştattyŋ gubernatory bilıktı asyra paidalanu retınde baǧalap, synǧa aldy.
