Almaty qalasynda burynǵy polıııa qyzmetkeri Dármen Shynybekov ádildik izdep, joǵary kerneýli elektr baǵanasyna shyǵyp, narazylyq bildirdi, dep habarlaıdy "Adyrna" ulttyq portaly KTK telearnasyna silteme jasap.
Ol segiz jyldan beri qandaı buıryq negizinde jumystan qýylǵanyn bile almaı júrgenin aıtady. Podpolkovnık bul áreketke basqa amaly qalmaǵandyqtan barǵanyn túsindirdi.
Shynybekovtyń aıtýynsha, ol qatardaǵy qyzmetker emes, bólim bastyǵynyń orynbasary laýazymynda bolǵan. Podpolkovnık shenine jetken kezde qyzmet tártibin buzdy degen aıyppen jumystan shyǵarylǵan. Sot sheshiminde onyń jol erejesin buzǵandarǵa aıyppul túbirtekterin bergeni, al ol aıyppuldardyń jalpy somasy 618 myń teńge bıýdjetke túspeı qalǵany kórsetilgen. Alaıda, eks-polıeı bul jaǵdaıǵa qatysy joq ekenin, jalǵan túbirtekter týraly bilmegenin alǵa tartady.
"Úsh sot ótti. Úsh sottyń sheshiminde meniń kinám týraly bir dálel joq. Mende zańsyz jumystan qýylǵanymdy rastaıtyn jazbasha qujat bar. Biraq 8 jyl boıy ádilettilikke qol jetkize almaı kelemin. Ne mınıstrge, ne Joǵarǵy sotqa jolyǵý múmkin bolmady", – deıdi ol.
Almaty mamandandyrylǵan aýdanaralyq ákimshilik sotynyń habarlamasyna sáıkes, Shynybekovtiń polıııa departamentine qarsy talap-aryzy qanaǵattandyrylmady. Sot onyń qyzmetinen bosatylýyna №2 Almaly aýdandyq sotynyń 2017 jylǵy sheshimi negiz bolǵanyn jáne bul sheshimniń zańdy kúshine engenin anyqtady.
Eks-polıeı naqty qandaı buıryq negizinde jumystan shyǵarylǵanyn bilgisi keledi. Ol bul qujatqa qol jetkizý úshin sotqa shaǵymdanǵan, biraq ótinishi qabyldanbaǵan.
Dármen Shynybekov qyzmetine qaıta oralýdy jáne zańsyz jumystan shyǵarylǵanyn dáleldeýdi kózdeıdi.
