Atyraýda aqbóken etin satý týraly habarlandyrýlar paıda bolǵan, dep habarlaıdy "Adyrna" tilshisi Zakon.kz-ke siltep.
Atyraýda aqbóken etiniń bir kelisi 1500 teńgege saýdalanýda. Mundaı habarlandyrýlar jergilikti messendjerlerde paıda bolǵan. Aqbókenderdi janýardyń baqylaýsyz ósýin toqtatý jáne jaıylymdar men daqyldardy qorǵaý úshin BQO dalasynda atý ruqsat etilgen bolatyn. Sodan keıin olar salqyndatylyp, satylymǵa shyǵarylǵan.
Degenmen, janýarlardy atý jumystary endi bastalǵan.
"Búkil dala aqbókenniń qanynda ekenin ańshy áriptester habarlaıdy. Bárin uqypty uıymdastyrýǵa múmkindik boldy. Ańshylarǵa tapsyrma berilýi kerek edi", - deıdi Atyraý ańshylyq qoǵamynyń múshesi Erik Botaqanov.
Onyń aıtýynsha, búginde messendjerlerde aqbókenderdi Atyraýda 2500 teńgege satý týraly kóptegen habarlamalar bar.
Ańshylar men ónimdi tutynýshylar satylymdaǵy aqbóken eti atý kezinde durys óltirilmegen nemese basqa sebeptermen ólgen janýardyń eti bolýy múmkin dep qorqady.
Al sanıtarlyq qyzmet bul ónimdi eshqandaı shaǵymsyz teksere almaıtynyn jetkizdi.
