«Adyrna» ulttyq-etnografııalyq birlestigi» qoǵamdyq qory Almatydaǵy Ǵ.Músirepov atyndaǵy balalarmen jasóspirimder teatrynda belgili ánshi-kompozıtor Balýan-Sholaq Baımyrzaulynyń jeke shyǵarmashylyǵynan dástúrli án keshin ótkizdi. Atalǵan án keshi túrli ulttyq aspaptardan turatyn «Arnaý» folklorlyq ansamblmen ashyldy.
«Adyrna» ulttyq-etnografııalyq birlestigi» qoǵamdyq qory 2010 jyldan beri dástúrli án-kúı keshterin uıymdastyryp keledi. Atap aıtsaq, Birjan sal (2010), Aqan seri (2010), Muhıt (2011), Úkili Ybyraı (2012), Jaıaý Musa (2013), Sáken Seıfýllın (2014) ánderinen jeke-jeke konertter, Táýelsizdik jolynda qurban bolǵan kompozıtorlar shyǵarmashylyǵy boıynsha «Azat rýhtyń aldaspandary» (2012) konerti, jylqy týraly ánder men kúılerge negizdelgen «Dúldúl án men pyraq kúı» (2014) atty konertin uıymdastyrǵan edi. Ataýly sharalar «Uly dala daýylpazdary» jobasynyń aıasynda ótken bolatyn. Osy jolǵy konerttiń bastyereksheligi–BalýanSholaq babamyzdyń múlde beımálim ánderi tuńǵysh ret úlken sahnada oryndaldy. Buǵan deıin ónerpazdar qaýymyna Balýan Sholaqtyń 7-8 áni ǵana belgili bolyp kelse, osy jolǵy konertte uly kompozıtordyń 20-dan astam ánderi sahnaǵa jol tartty. Búginge deıin Balýan Sholaqtyń «Ǵalııa», «Sentıabr», «Karon balýan», «Jastyq», «Dúnıe», «Dikildek» tárizdi tanymal ánderin Ramazan Stamǵazıv, Erlan Tóleýtaı, Erkin Shúkimanov, Jasulan Saqaev, Azat Dýlatuly, Tileýbaı Ánápııa, t.b. ánshiler oryndady. Balýan Sholaqtyń beımálim ánderi «Daýysashar», «Sholaq baıaý», «Kóp balapan-Kókshetaý», «Ǵalııanyń» IV-inshi túri, «Jelip-jelip…», «Qulan kisines», «Sursha qyz» II-shi túri, «Sholaqtyń jeldirmesi», «Kenjeqońyr», «Maıdaqońyr», «Meni qoı-aý», «Balýan Sholaqtyń Jetisýmen qoshtasýy», «Balýan Sholaqtyń elimen qoshtasýy», «Saryn» jáne taǵy basqa ánderi tuńǵysh ret úlken sahnaǵa shyqty.
Jezqazǵannan arnaıy kelgen ǵajaıyp ónerpaz Ǵalym Muhamedın, Qaraǵandy oblysynyń Shet aýdanynan at aryltyp jetken talantty jas ánshi Ardaq Muqyshev, Astana qalasynan kelgen belgili óner maıtalmany Erlan Qujımanov, Shyǵys Qazaqstan oblysynyń Abaı aýdanynan kelgen óner sańlaǵy Qaırat Qabyshev, Shyǵys Qazaqstannyń Tarbaǵataı aýdanynan jetken Elaman Qujımanov, almatylyq Erkin Nurhanov, Talǵat Ábýǵazy, Saıan Bódesovter Balýan Sholaqtyń beımálim ánderin oryndap, halyqtyń kózaıymyna aınala bildi. Balýan Sholaqtyń el bile bermeıtin ánderi Jolaman Qujımanovtyń notadan qalpyna keltirip, jastarǵa úıretýi negizinde qaıta túlep, óner ólkesine jol tartyp, jyl qusyndaı jańalyq bolyp qosylǵandyǵyn aıta ketý kerek.
Degenmen, Ǵalym Muhamedın («Balýan Sholaqtyń qoshtasýy»), Tileýles Qurmanǵalıev («Qulan kisines»), Erlan Qujımanov («Meni qoı-aý») oryndaýyndaǵy ánder ánshilerdiń ózderi el ishinen tapqan altynǵa para-par oljalary ekendigin aıta ketken jón. Shyǵys óńirinen kelgen Qaırat Qabyshevtyń ónerin kórermen qaýym úlken qoshemetpen qarsy aldy. Tipti ol ónerdi syn kózben saralaı biletin sahna sheberleriniń de yqylas-iltıpatyna bólendi. Halyqtyń suraýy boıynsha bulbul ánshi Qaırat Qabyshev taǵy bir án oryndady. Keshti ǵajaıyp ánshi, tereń bilim ıesi, ónertanýshy Erlan Tóleýtaı júrgizip, Balýan Sholaqtyń ómiri men shyǵarmashylyǵy týraly kórermen qaýymdy qyzyqty maǵlumattarǵa qanyqtyrdy. Aıta ketý kerek, «Adyrna» qory bolashaqta Balýan Sholaq ánderinen Astana, Kókshetaý, Taraz qalalarynda án keshin ótkizýdi josparlar otyr.
Arman ÁÝBÁKIR,
«Adyrna» ulttyq-etnografııalyq birlestigi» qoǵamdyq qorynyń jetekshisi
