Muhtar Jákishev: “Meni bosatyńyzdar”

4730

“Qazatomónerkásip” ulttyq kompanııasynyń burynǵy basshysy Muhtar Jákishev úshinshi ret ózin merziminen buryn shartty túrde bosatýdy surap, ótinish berdi, dep habarlaıdy Dalanews.kz.

2020 jyldyń 6 aqpanynda Muhtar Jákishev merziminen buryn shartty túrde bosatý týraly úshinshi ret ótinish túsirip, ony Semeı soty 10 aqpanda qabyldady, dep jazdy advokat Nurlan Beısekeev Facebook-tegi paraqshasynda osy habardy barshaǵa jetkizýge asyqqanyn aıta otyryp.

“Qazatomónerkásip” ulttyq atom kompanııasynyń burynǵy basshysy 2009 jyly iri ýran ken oryndaryndaǵy memleket úlesin satty degen aıyppen ustalǵan. 2010 jyly sot Jákishevti ózine senip tapsyrylǵan qarajatty jumsady jáne para alýǵa baılanysty aıypty dep tapty.

Ol 14 jylǵa bas bostandyǵynan aıyrý jazasyna kesildi.

2018 jylǵy 28 qarashada Semeı soty Jákishevti 99,6 mıllıard teńge kólemindegi shyǵyndy ótemegeni úshin shartty túrde merziminen buryn bosatýdan bas tartty. 2019 jyldyń 24 shildesinde de sot ony ekinshi ret shartty túrde merziminen buryn bosatýǵa ruqsat bermedi.

Pikirler