Maik Pompeo AQŞ Qytaidaǧy etnikalyq qazaqtar men ūiǧyrlardyŋ quǧyndaluyn toqtatudy talap etetının aitty
NŪR-SŪLTAN, 2 aqpan – Sputnik. AQŞ-tyŋ memlekettık hatşysy Maik Pompeo älem elderın Qytaida etnikalyq qazaqtar men ūiǧyrlardyŋ quǧyndaluyn toqtatuǧa şaqyrdy. Būl turaly Sputnik Qazaqstan habarlady.
"Bız adam saudasy mäselelerın, Qazaqstanmen şekara maŋyndaǧy Qytaidyŋ Şyŋjaŋ lagerlerınde otyrǧan bır millionnan astam ūiǧyr men etnikalyq qazaqtardyŋ auyr taǧdyryn talqyladyq", - dedı Pompeo elordada Qazaqstannyŋ syrtqy ıster ministrı Mūhtar Tıleuberdımen ötken kelıssözderden keiın.
Ol AQŞ barlyq eldı jūmyla äreket etıp, būl repressiiany toqtatudy talap etuge şaqyratynyn jetkızdı.
"Bız Qytaidan qaşqan bosqyndardy qauıpsız baspanamen qamtamasyz etuge ündeimız", - dedı Pompeo.Aita ketsek, AQŞ-tyŋ memlekettık hatşysy Maik Pompeo ekı kündık saparmen Qazaqstanǧa keldı. Pompeo memleket basşysy Qasym-Jomart Toqaevpen jäne tūŋǧyş prezident, Qauıpsızdık keŋesınıŋ töraǧasy Nūrsūltan Nazarbaevpen kezdesedı dep josparlanǧan. Memlekettık hatşynyŋ sapary alǧaşynda jaŋa jyldyŋ alǧaşqy jūmys künı – 5 qaŋtarǧa josparlanǧan edı. Alaida ol AQŞ-tyŋ İraktaǧy elşılıgınıŋ aldyndaǧy tärtıpsızdıkke bailanysty Qazaqstanǧa saparyn keiınge qaldyrdy. Qazaqstanǧa saparynan keiın Pompeo Özbekstanǧa barady.
Ūqsas jaŋalyqtar
