Pompeo: Qytaıdan qashqan bosqyndardy qaýipsiz baspanamen qamtamasyz etýge úndeımiz

8506
Adyrna.kz Telegram

Maık Pompeo AQSh Qytaıdaǵy etnıkalyq qazaqtar men uıǵyrlardyń qýǵyndalýyn toqtatýdy talap etetinin aıtty

NUR-SULTAN, 2 aqpan – Sputnik. AQSh-tyń memlekettik hatshysy Maık Pompeo álem elderin Qytaıda etnıkalyq qazaqtar men uıǵyrlardyń qýǵyndalýyn toqtatýǵa shaqyrdy. Bul týraly Sputnik Qazaqstan habarlady.

"Biz adam saýdasy máselelerin, Qazaqstanmen shekara mańyndaǵy Qytaıdyń Shyńjań lagerlerinde otyrǵan bir mıllıonnan astam uıǵyr men etnıkalyq qazaqtardyń aýyr taǵdyryn talqyladyq", - dedi Pompeo elordada Qazaqstannyń syrtqy ister mınıstri Muhtar Tileýberdimen ótken kelissózderden keıin.

Ol AQSh barlyq eldi jumyla áreket etip, bul repressııany toqtatýdy talap etýge shaqyratynyn jetkizdi.

"Biz Qytaıdan qashqan bosqyndardy qaýipsiz baspanamen qamtamasyz etýge úndeımiz", - dedi Pompeo.

Aıta ketsek, AQSh-tyń memlekettik hatshysy Maık Pompeo eki kúndik saparmen Qazaqstanǵa keldi.

Pompeo memleket basshysy Qasym-Jomart Toqaevpen jáne tuńǵysh prezıdent, Qaýipsizdik keńesiniń tóraǵasy Nursultan Nazarbaevpen kezdesedi dep josparlanǵan.

Memlekettik hatshynyń sapary alǵashynda jańa jyldyń alǵashqy jumys kúni – 5 qańtarǵa josparlanǵan edi. Alaıda ol AQSh-tyń Iraktaǵy elshiliginiń aldyndaǵy tártipsizdikke baılanysty Qazaqstanǵa saparyn keıinge qaldyrdy.

Qazaqstanǵa saparynan keıin Pompeo Ózbekstanǵa barady.

Pikirler