Ukraina prezidentı Vladimir Zelenskii eldıŋ okkupasiialanǧan aumaqtaryn eşkımge “syilamaitynyn” mälımdedı, dep habarlaidy "Adyrna" ūlttyq portaly.
Ukraina prezidentı Telegram-arnasynda ukrain halqy öz jerın qorǧap, beibıt ömır süruge laiyq ekenın atap öttı.
"Būl soǧysty toqtatu kerek, jäne ony Resei toqtatuy tiıs. Resei soǧysty özı bastap, ony sozyp otyr. Mäsele basqa emes, däl osynda", — dedı Zelenskii.
Onyŋ aituynşa, el aumaǧyna qatysty jauap Ukraina konstitusiiasynda anyq jazylǧan jäne odan eşkım bas tartpaidy.
"Ukraindar öz jerın okkupantarǧa bermeidı. Ukraina tek şynaiy beibıtşılıkke jetkızetın şeşımderge daiyn. Bızsız qabyldanǧan kez kelgen şeşım beibıtşılıkke qarsy bolyp sanalady", — dep qosty ol.
Zelenskii AQŞ prezidentı Donald Tramp jäne özge de halyqaralyq ärıptestermen berık beibıtşılık ornatu üşın jūmys ısteuge daiyn ekenın aitty.
Aita keteiık, būǧan deiın Resei prezidentı Vladimir Putin men AQŞ prezidentı Donald Tramptyŋ Ukraina mäselesın talqylau üşın kezdesu ötkızetını habarlanǧan. Aldyn ala mälımet boiynşa, basqosu BAÄ-de ötuı mümkın.
