Skotch jabystyrylǵan jáne maı aqqan. Bek Air ushaqtarynyń sýretteri paıda boldy

1459

Qazaqstannyń avıaııalyq ákimshiligi Bek Air kompanııasynyń áýe kemelerin tekserý barysynda ınspektorlar túsirgen sýretterdi usyndy. Tekseris qorytyndysy boıynsha, ushaqtardyń qozǵaltqyshynan maı aqqany, áınekterdiń qatparlanýy, konstrýkııany qorǵaý úshin skotch qoldanylǵany jáne shınalardyń tozǵany anyqtaldy, - dep habarlaıdy Tengrinews.kz .

Áýe kemelerin teksergennen keıingi brıtanııalyq ınspektorlardyń shyǵarǵan qorytyndylary men sýretterin Qazaqstannyń avıaııalyq ákimshiliginiń ushý qaýipsizdigi departamentiniń basshysy Lında Orledı brıfıngte tanystyrdy.

"Ushaqtyń aldyńǵy jaǵy zaqymdanǵan. Másele onyń artynda radardyń turǵanynda. Áýe kemesiniń bortynda ornatylǵan radardyń durys jumys isteýi úshin jaǵdaıdyń jasalýy óte mańyzdy", - dep túsindirdi ol.

"Eki qozǵaltqyshta da ıdentıfıkaııalyq taqtaıshalar joq. Bul óte mańyzdy eskertý. Olar mindetti túrde bolýy kerek. Bek Air ushaqtarynyń 50 paıyzynda eki qozǵaltqyshta da ıdentıfıkaııalyq taqtaıshalar joq. Bul óte qaýipti belgi", - dedi Orledı.

"Munda maıdyń aqqany kórinedi. Men, ushqysh retinde, óz áýe kememde mundaıdy kórgim kelmeıdi. Sondaı-aq, tehnıkalyq qyzmet kórsetý jónindegi ınjener ondaıdy baıqasa, keıin qaı kúni, qansha suıyqtyq joǵalǵanyn qadaǵalaý mańyzdy. Biz maıdyń aqqany tirkelgen birde-bir tizilimdi taba almadyq. Inspektorlar árbir Bek Air ushaǵynyń astynan osyndaı kemshilikter tapty", - dedi Orledı.

Sondaı-aq fıýzelıajda da maıdyń izderi bar.

"Barlyq ushaqqa metall skotch jabystyrylǵan. Áýe kemesinde skotch qoldanýǵa bolady, biraq bul arnaıy skotch bolýy tıis jáne ony paıdalaný deregi jazbasha bekitilýi tıis. Ol boıynsha eshqandaı qujat tabylǵan joq", - dep atap ótti Orledı.

"Ushqyshtar kabınasy kóp qabatty áınekpen qorǵalýy tıis. Munda pılottar kabınasynyń sol terezeniń áınegi qatparlanyp ketkenin kóresiz", - dedi Orledı.

Onyń aıtýynsha, Bek Air ushaqtarynyń júk salatyn jerindegi panelderde órtke qarsy taspalary joq nemese nashar jaǵdaıda.

Sondaı-aq, shınalar tozǵan.

Onyń aıtýynsha, avıakompanııanyń barlyq borttarynda júk bóliginiń eden panelderi tesik bolǵan.

Pikirler