«Nur Otan» halyqtyq demokratııalyq partııasynyń shilde aıynda jarııalaǵan «Tilge qurmet — elge qurmet» baıqaýynyń jeńimpazdary anyqtaldy. Esterińizde bolsa, bul baıqaý bes nomınaııa boıynsha úzdik jýrnalıster men ınternet portaldardy anyqtaǵan bolatyn. «Adyrna» ulttyq-etnografııalyq portaly «Memlekettik tildegi eń úzdik ınternet joba» atalymy boıynsha top jardy. Jeńimpazdardy «Nur Otan» HDP-synyń hatshysy, saıasattanýshy Erlan Qarın óz qolymen marapattap, arnaıy syılyqtaryn tabys etti.
Bıyl bul doda til merekesi qarsańynda tórtinshi ret uıymdastyrylýda. Uıymdastyrýshylardyń aıtýynsha, jarııalanǵan konkýrsqa qatysamyn deýshiler respýblıkanyń barlyq aýmaǵynan tabylǵan. Sóıtip, baıqaý komıssııasynyń qaraýyna 300-ge jýyq materıal usynylypty. «Olardyń ishinde eń kóbi baspa shyǵarylymdarynyń basylymdary, sonymen qatar tele jáne radıo baǵdarlamalary», deıdi «Nur Otan» HDP-nyń qyzmetkerleri. Sondaı-aq ótinishterdiń sany boıynsha ekinshi orynda 50-ge jýyq ótinish bildirgen «Memlekettik tildi damytý jónindegi úzdik joba» atalymy tur. Al «Memlekettik tilge qoldaý kórsetýge jáne nasıhattaý isine úles qosqan úzdik uıym» atalymy boıynsha 20-dan astam memlekettik jáne úkimettik emes uıymdar ótinish bildiripti. Esesine «Memlekettik tildegi úzdik ınternet joba» atalymy boıynsha eń az ótinish túsken. Degenmen, baıqaýdy uıymdastyrýshylar bul atalym boıynsha qatysýshylardyń sany ótken jylǵa qaraǵanda kóbirek ekenin aıtyp otyr. Demek, qazaq tili óz shekarasyn ınternet-keńistikte de belsendi keńeıip jatqandyǵyn dáleldeıdi.
Syıaqylar men dıplomdardy partııa hatshysy Erlan Qarın tabystap, «Nur Otan» partııasy óziniń baǵdarlamalyq qujattarynda memlekettik tildiń ornyn erekshe aıqyndap, eldi jáne halyqty biriktirýshi basty faktorlarynyń biri retinde qarastyratynyn aıta ketti.
Baıqaýdyń jeńimpazdary: «Jas qazaq úni», Temirtaý qalalyq «Qurysh qala» gazetteriniń, «Qazaqstan» telearnasynyń Kókshetaý, Óskemen qalalyq bólimderiniń, «Astana» radıosynyń jýrnalısteri, sonymen qatar «Adyrna», «Qasym.kz» ınternet portaldary, «Aıgólek» jýrnaly redakııasy jáne basqalar.
Sandýǵash SULTANQYZY
