Qurmetti Qazaqstan Respýblıkasynyń Mádenıet jáne sport mınıstri Aqtoty Rahmetollaqyzy!
«Meniń «Halyq únine qulaq asatyn memleket» atty tujyrymdamam dál osy ádiletti qoǵam ıdeıasyn damytý maqsatymen usynyldy. Bılik pen qoǵam arasyndaǵy syndarly dıalog memleketke degen senimdi nyǵaıta túsedi. Úkimet músheleri, sonyń ishinde mınıstrler men ákimder memlekettik jáne qoǵamdyq mańyzy bar máselelerge qatysty sheshim qabyldaǵan kezde azamattardyń usynystary men tilekterin eskerýi kerek. Muny Abaı meńzegen ádiletti qoǵam qalyptastyrýdyń birden-bir sharty dep bilemin.
Uly aqyn «Keleli keńes joǵaldy, El sybyrdy qolǵa aldy» degendi beker aıtqan joq.» dep Prezıdentimiz Qasym-Jomart Kemeluly óziniń «Abaı jáne HHI ǵasyrdaǵy Qazaqstan» atty ózekti de ónegeli maqalasynda anyqtap aıtqanyndaı, men Sizdi memlekettik jáne qoǵamdyq mańyzy bar máselelerge qatysty sheshim qabyldaǵan kezde meniń usynystarym men tilekterimdi eskerýge shaqyramyn. Bul tek birinshi usynys.
«Keleli keńes joǵaldy, El sybyrdy qolǵa aldy» dep Abaı aıtqandaı, el arasynda bir «sybyrdyń» bar ekenin bilesiz. Siz sol «sybyrdy» toqtatyp, núkte qoısańyz. Qazaqstan teatr qaıratkerleri odaǵymen qatar Qazaqstan teatrlar assoıaııasy ne úshin qajet ekendigin qazaqstandyq teatraldar túsinbeı otyr. Bul bir salanyń mamandaryn ekige bólip, yntymaǵyn ydyratýshylyq emes pe? Onyń ústine bir memlekette bir teatr salasyna qatysty eki uıymnyń bolýynan biz memleket retinde ne utpaqpyz? Birde-bir memlekettiń tájirıbesinde bundaı eki jaqqa bólinýshilik degen atymen joq. Sonymen qatar, bulaı bir teatr salasyn ekige bólý arqyly memleket qarjysyn maǵynasyz jaratýǵa, ysyrapshyldyqqa jol berilip otyrǵan joq pa? Úkimet qarajatyn únemdep jumsap, kerisinshe, teatr qaıratkerlerin jarastyratyn jobalardy jasap kele jatqan tarıhy tereń, tájirıbesi mol bir ǵana Qazaqstan teatr qaıratkerleri odaǵyn qaldyrý kerek dep esepteımin. Qazaqstannyń halyq artısi, memlekettik syılyqtyń laýreaty, ónertaný kandıdaty, professor Tuńǵyshbaı Qadyruly 2009 jyldyń qazan aıynan bastap tóraǵa bolyp tabylatyn Qazaqstannyń teatr qaıratkerleri odaǵyna Respýblıkamyzdyń barlyq teatrlary biraýyzdan múshelikke qaıta ótýleri kerek dep oılaımyn.
Eger Siz meniń osy usynys-tilegimdi qabyl alsańyz, qazaqstandyq teatraldardyń basym bóliginiń alǵystaryna bólenip, burynǵy mınıstr Arystanbek Muhamedıuly kezeńinde oryn alǵan jaǵdaıǵa kóz juma qaramaı, ádiletti qoǵam qalyptastyrýǵa úles qosqan bolyp sanalar edińiz. Sol kezde Arystanbek Muhamedıulynyń jolyn jalǵastyrýshy emes ekendigińizdi, teatrdyń janashyry ekendigińizdi dálelder edińiz. Álde, Siz de Qazaqstan teatrlar assoıaııasynyń vıe-prezıdenti Ashat Maemırov sekildi Arystanbek Muhamedıulyna adal jaqyn dos, senimdi serik, múddeles pe edińiz?
«Qazaqstan teatrlar assoıaııasy» uıymdastyryp kele jatqan ««Sahnager» ulttyq teatr syılyǵy» taqyrybyndaǵy júldeni oılap tabýdyń ne keregi boldy eken nemese kimge keregi boldy eken? Arystanbek Muhamedıulyna aýadaı qajet bolǵan bastamaǵa uqsaıdy. Tuńǵyshbaı Jamanqulovty jyǵý úshin be? Qazaqstan teatr qaıratkerleri odaǵy uıymdastyrýyndaǵy «Eńlikgúl» dep atalatyn keremet esimdi ıemdengen salmaqty syılyq bar emes pe edi? Sol syılyqty qaıtarý kerek dep sanaımyn. Sebebi, «Sahnager» syılyǵyn úlestirý úderisinde de teatraldardy alalaýshylyq bar sekildi kórinbeıdi me Sizge? Syılyqqa usynylýshylar men ıe bolýshylardyń kóbi Qazaqstan teatrlar assoıaııasynyń vıe-prezıdenti Ashat Maemırovtyń ǵana jaqyndary, shákirtteri jáne múddelesteri. Sonda Ashat Maemırovpen birge bir dastarqanda basy birikpegender men bir assoıaııa quramy qataryna kirmegenderdiń jaıy ne bolmaq? Bul mınıstrlik ımıdjine keri áser etpeı me? Talanttar tunshyǵyp jatqan joq pa? Memleket ımıdjin tómendetetin tirlik emes pe? Merıtokratııalyq qaǵıdalarǵa qaıshy qylyq emes pe?
Osy jazǵan usynysymmen kelisetinderden laık basýdy, bólisýdi nemese "qoldaımyn" dep jazba qaldyrýdy ótinemin!
Qurmetpen Baltabek NURǴALIEV
