Arystan qartaıady. Ańdardy burynǵysyndaı aýlaı almaıtyn bolady. Endi ańdardy aılamen aýlaǵysy keledi. Ózi úńgirde jatady da:
- Aýrýmyn, júrýge álim joq, – dep, barlyq ańdarǵa habar taratady. Ańdar bir-birlep arystannyń halin bilýge keledi. Arystan ańdardyń bireýin de qaıtarmaıdy. Bári de arystanǵa jem bolady.
Bir kúni túlki keledi. Ol úńgirden alysyraq turady da:
- Halińiz qalaı, taqsyr? – dep kóńilin suraıdy.
- Halim nashar. Nege jaqynyraq kelmeısiń? Berirek kel, túlkijan, azyraq sóıleseıik? – deıdi arystan. Túlki:
- Men saǵan jaqyn barar edim-aý, biraq saǵan kirgen iz bar da, shyqqan iz joq! – dep júrip ketipti.
