Bir kúni aq tıin butaqtan butaqqa qarǵyp júrip, uıyqtap jatqan qasqyrdyń ústine qulaıdy. Qasqyr qarǵyp turyp ony jegisi keledi. Aq tıin jalynyp:- Meni jeme, jiber? – deıdi.
- Jaraıdy, jibereıin, biraq sen maǵan aıt: nelikten sender ár ýaqytta shat bolyp júresińder?
Sonda aq tıin:
- Meni jiberińiz, sodan soń aıtaıyn, áıtpese júregim dirildep, sóıleı alatyn emespin, – deıdi. Qasqyr aq tıindi bosatady. Aq tıin aǵash basyna shyǵyp alyp:- Sen qasqyr, zalymsyń, zalymdyq ishińdi jandyrady. Sondyqtan árqashan qapaly júresiń. Biz eshkimge jaýyzdyq istemeımiz, sol úshin de ár ýaqytta máz bolyp júremiz, – depti.
