Ertede jalǧyz basty bır bai ömır sürdı. Onyŋ tuysqany da, balasy da jinaǧan mal mülkı men aqşasy edı. Solardy baladai mäpelep kütetın. Bır künı ol jalşysynyŋ köŋıldı külkısın estıp onyŋ üiın ainalşyqtap tyŋ tyŋdady. Bıraq mardymdy eşteŋe esti almady. Ol ertesıne jalşyny tünnıŋ ortasyna deiın bosatpai äbden jūmysqa saldy. Bıraq keşegı külkı taǧy qaitalandy. Degbırı qaşyp şydamsyzdanǧan bai endı “mynau menıŋ qazynamnan ūrlap jür, sol üşın üiıne baryp mäz bolyp jatyr” degen jaman oiǧa kettı. Ol jalşysynyŋ esıgın bır teuıp kırıp bardy. Söitse jalşysy ekı balasyn arqasyna mıngızıp alyp, özı at bolyp oinap jür eken.
— Aqymaq, bügın qiralaŋdap dūrys jūmys ıstemedıŋ! Tünımen myna mūrynboqtaryŋdy oinatamyn dep şarşaidy ekensıŋ ǧoi! — dep aqyrdy.
— Qojaiyn, osy ekı balapanymdy körgende şarşau, uaiym degendı ūmytyp, tyŋaiyp, sergıp qalam, — dep baiypty qalpynan jazbai jauap berdı malaiy.
— Naǧyz aqymaq eken! — dep üiden atyp şyqqan bai endı “men keş kırıp qaldym ba eken, ol ūrlaǧan aqşasyn tyǧyp ülgerdı de, maǧan syr bermei otyr sūmpaiy” dep küdıgınen aryla almai-aq qoidy.
Ekınşı künı jalşy taŋ atqanşa jūmys jasady. Bıraq ol eş renış bıldırmei üiıne qaitty. Bai soŋynan būqpantailap baryp taǧy tyŋ tyŋdady. Qūlaǧyna şyqyrlaǧan aqşa men syldyrlaǧan kümıs teŋgenı jalşysy sanap jatqandai estılıp kettı. Ol taǧy da esıktı bır teuıp kırıp bardy. Ekı balasyn ekı jaǧyna alyp qannen qapersız rahattanyp ūiyqtap jatqan jalşysyn körgende ne ısterın bılmei qaldy. Ün-tünsız bıldırtpei üiden şyǧyp kettı. Sonda da küdıgı seiıler emes.
Ertesıne jalşysynyŋ köŋıldı, sergek qalpy baiǧa özın mazaq qylyp tūrǧandai körınıp kettı. Bai aqyry:
— Menıŋ qazynamnan bıraz qarajat joǧaldy. Sony senen basqa eşkım alǧan joq. Sebebı sen ünemı köŋıldı jüresıŋ, tyqqan aqşaŋ bolǧan soŋ köŋılıŋ toq bop jür, — dedı.
Sonda jalşysy:
— Qojaiyn, jaǧdaiyŋ sorly qūldan da jaman-au. Künde keşke üiımdı torauyldaisyŋ. Menıŋ bailyǧym ekı balam men jan jarym jäne densaulyǧym men qara küşım. Qūlaniektenıp taŋ atqannan keş batqanşa täŋırımnen osy bailyǧymnan aiyra körme dep tıleimın. Sondyqtan men baqyttymyn, köŋıldımın, — dep jauap berdı.
Ne derın bılmegen bai ün-tünsız qaldy. “Iаpyrmai, şynynda da myna qara qūl baqytty. Men siiaqty qyzǧanatyn bailyǧy da joq. Bailyq maǧan baqytsyzdyq üşın bıtken be? Basym auyryp kettı”.
Osy künı jalşy üiıne erte qaitty. Onyŋ syrtynan qarap tūrǧan bai aldynan jügırıp şyqqan ekı balasyna qyzyǧa qarap qaldy…
Ädina ÄBDIBAIQYZY
