Ilon Mask AQSh-tyń jańadan saılanǵan prezıdenti Donald Tramptyń jeke rezıdenııasynyń aýmaǵynda ornalasqan kottedjderdiń birin jalǵa alǵan, dep habarlaıdy "Adyrna" ulttyq portaly The New York Times-qa silteme jasap.
Mask turǵan kottedj Banyan dep atalady. Ol negizgi úıden birneshe júz fýt qashyqtyqta ornalasqan. Rezıdenııa aýmaǵynda turý Maskqa Tramp uıymdastyrǵan keshki astarǵa qatysýǵa múmkindik beredi.
Mask Mar-a-Lago aýmaǵynda turǵan jalǵyz prezıdent seriktesi emes. Derekkóz málimetinshe, bolashaq vıe-prezıdent Djeı Dı Vens te osy kottedjderdiń birinde toqtaǵan.
The New York Times málimetinshe, Tramp álemdegi eń baı adam sanalatyn Masktyń Mar-a-Lagonyń bir turǵyn úı aımaǵyn «jaldap jatqanyn» maqtan etken.
Kottedjdi jaldaý quny ádette bir túnge keminde 2000 dollardy (1 mln 49 myń teńgeni) quraıtyny aıtylǵanymen, Masktyń naqty qansha tóleıtini belgisiz. Ádette, qonaqtarǵa shot olardyń keter kúni beriledi. Sondyqtan Tramp Maskqa shotty múldem usynbaýy nemese jaldaý qunyn azaıtýy múmkin degen boljam bar.
Ilon Mask kottedjge shamamen saılaý kúni ornalasyp, saılaý nátıjelerin Tramppen birge baqylaǵan. Ol Rojdestvo merekesi qarsańynda aýmaqtan ketkenimen, jaqyn kúnderi qaıta oralady dep kútilýde dep jazdy New York Times.
Eske sala ketsek, 20 qańtarda Donald Tramp AQSh-tyń 47 prezıdenti retinde ulyqtaý rásimin ótkizip, qyzmetine kirispek.
