Tótenshe jaǵdaı kezinde azamattardyń kirissiz qalýyna baılanysty Memlekettik áleýmettik saqtandyrý qorynan jiberiletin 42 500 teńge mólsherindegi tólemge ótinimderdi qaraý ýaqyty olardyń kóbisiniń birneshe qaıtalanýyna baılanysty keshiktirilýi múmkin. Bul týraly Qordyń baspasóz qyzmeti habarlaıdy.
bastapqyda bul ótinimderdi qarap, derekterdi tekserý merzimi 7 jumys kúni dep belgilengen edi. Osy oraıda, tólemderdi tezirek júrgizý úshin, ótinimderdi qaraý barysy 3 jumys kúnine deıin qysqartyldy.
Degenmen, eskerterligi, biraz azamattar atalǵan qyzmetke birneshe ret júgingendi jón kóretini baıqaldy. Máselen 8 sáýir túngi 11-degi jaǵdaı boıynsha 3,1 mln habarlamanyń 1,3-i qaıtalanatyn bolyp shyqty.
Barlyq ótinim sanalýan derekter qorynda muqııat súzgiden ótedi. Onyń ishinde adamnyń aty-jóni, JSN men bank shotynyń nómiri, jumysyna qatysty maǵlumattar aıryqsha eksheledi.
Málimetterdi teksere kele, 42 500 teńgelik tólemge jumys isteıtin, talapqa saı kelmeıtin azamattardyń da ıek artyp, durys emes bank shottary nemese bógde bireýdiń, jaramsyz bank shottary joldanatyny anyqtaldy. Sonymen qatar, marqum bolyp ketken nemese shetelde turatyn tulǵalardyń atynan da ótinim beriletini belgili bolyp otyr. Áleýmettik saqtandyrý júıesine eshqashan qatyspaǵan, oǵan qarajat aýdarmaǵan azamattar da ótinim jiberýdi qup kórgen. Uqsas derekterdiń 405 myńnan astamy aıqyndaldy, - delingen habarlamada.
Olardy taýyp, qaıtalanatyndaryn alyp tastaý úshin 3,1 mln ótinishtiń árqaısyn jan-jaqty qaralaý qajet ekeni túsinikti.
Osylaısha ótinimdi qaraý aralyǵy sozylyp ketýi yqtımal. Sondyqtan, azamattardan, 3 jumys kúninen soń tólemdi taǵaıyndaý týraly habarlama almasańyzdar da alańdamaýlaryńyzdy suraımyz. Ár ótinish boıynsha aqparat tekserilgennen keıin mindetti túrde ótinim joldaýshyǵa qabyldanǵan sheshim jaıy jetkiziledi.
Tólem jasaý týraly sheshim qabyldanǵannan keıin ótinish berýshige SMS-habarlama keledi. Keıinnen ótinish berýshiniń derekterin Memleketik áleýmettik saqtandyrý qory "Azamattarǵa arnalǵan úkimet" memlekettik korporaııasyna jiberedi, ol ony ekinshi deńgeıdegi bankterge tólem júrgizý úshin baǵyttaıdy.
Buǵan deıin de habarlaǵanymyzdaı, áleýmettik tólem alýǵa ótinimdi eGov portaly, 42500.enbek.kz veb-saıty jáne https://t.me/Help42500Bot mekenjaıy boıynsha Telegram-bot arqyly berýge bolady.
Azamattardan taǵy da ótinimdi bir ret joldaýdy suraımyz.
Esterińizge sala keteıik, qoldanystaǵy erejege sáıkes, TJ kezeńinde qyzmettiń shektelýine baılanysty tabysynan aıyrylǵan jaǵdaıda Memlekettik áleýmettik saqtandyrý qorynan bir adamǵa aıyna 42 500 teńge mólsherinde beriletin áleýmettik tólem kelesi sanattarǵa beriledi:
– shaǵyn jáne orta kásipkerlik sýbektileriniń jalaqysy saqtalmaıtyn demalystaǵy qyzmetkerlerine;
– karantın engizilgen eldimekenderde qyzmetin júzege asyratyn iri kásipkerlik sýbektileriniń jalaqysy saqtalmaıtyn demalystaǵy qyzmetkerlerine;
– memlekettik mekemelerdi qospaǵanda, kommerııalyq emes zańdy tulǵalardyń jalaqysy saqtalmaıtyn demalystaǵy qyzmetkerlerine;
– jeke kásipkerlerge;
– dara tájirıbemen aınalysatyn adamdarǵa (notarıýs, jeke sot oryndaýshysy, advokat, kásibı medıator);
– biryńǵaı jıyntyq tólemdi tóleýshiler bolyp tabylatyn jeke tulǵalarǵa;
– nysanasy jumystardy oryndaý (qyzmetter kórsetý) bolyp tabylatyn azamattyq-quqyqtyq sıpattaǵy sharttar boıynsha tabys tabatyn, salyq agentteri olar úshin mindetti zeınetaqy jarnalaryn aýdarǵan adamdarǵa.
Foto: ashyq derekkózden
