Arheologtar Qazaqstan aýmaǵynda eń kóne adam jerlengen mekendi anyqtady. Bul týraly «Qazaqstan arheologııasy» ǵylymı jýrnaly jazdy, dep habarlaıdy «Adyrna» ulttyq portaly.
«Shyǵys Qazaqstannyń jartylaı qýań dala aımaǵynda ornalasqan Kóken qalashyǵynda júrgizilgen qazba jumystary kezinde qola dáýiriniń turaǵy negizinde jatqan qat-qabat tas dáýiriniń shógindileri tabyldy. Ol bizdiń dáýirimizge deıingi VI myńjyldyqtyń ortasy nemese neolıt dáýirine jatady. Bul qorymnyń Qazaqstan aýmaǵynda tabylǵandardyń ishindegi eń kóne ekenin dáleldeıdi.», - delingen zertteý annotaııasynda.
Qazba jumystary barysynda, arheologtar Qazaqstanda bir-birine uqsamaıtyn jerleý rásimderin tapqan. Qabirde eki adamnyń súıegi bolǵan. DNK saraptamasy súıekterdiń jasóspirim men eresek adamǵa tıesili ekenin kórsetken.
Zertteý jumystaryn Nazarbaev Ýnıversıteti arheologııa ınstıtýtynyń arheologtary júrgizdi – Marǵulan, Sent-Lýıstegi Vashıngton ýnıversıteti (AQSh) jáne Pavlodar memlekettik ýnıversıteti. Olar jerleý oryndarynan Qazaqstandaǵy eń kóne zamanǵa jatatyn qańqalardy tapqan, sondyqtan bul aımaqta óndirýshi sharýashylyq paıda bolǵanǵa deıin ańshy-jınaýshylar halqynyń shyǵý tegin, ómir saltyn jáne quramyn zertteýge erekshe múmkindik beretinin aıtady.
«Qazba jumystary men taldaýdan bastap materıaldy jarııalaýǵa deıin búkil proess qazaqstandyq jáne halyqaralyq mamandardan turatyn bizdiń komandanyń úsh jyldan astam jumysyn qamtydy. Bul jańalyq qazaqstandyq arheologııa úshin óte mańyzdy. Qazaqstanda tas dáýiriniń arheologııalyq materıaldary óte kóp, biraq bul jerde biz jerlengen adam týraly aıtyp otyrmyz. Osy jańalyqtyń arqasynda bizde sol aımaqty mekendegen adamdardyń ómirin zertteýge múmkindik paıda boldy», - dep atap ótti Nazarbaev ýnıversıtetiniń qaýymdastyrylǵan professory, arheolog Paýla Doýmanı Dıýpıýı.
«Adyrna» ulttyq portaly
