Arheologtar Qazaqstan aumaǧynda eŋ köne adam jerlengen mekendı anyqtady. Būl turaly «Qazaqstan arheologiiasy» ǧylymi jurnaly jazdy, dep habarlaidy «Adyrna» ūlttyq portaly.
«Şyǧys Qazaqstannyŋ jartylai quaŋ dala aimaǧynda ornalasqan Köken qalaşyǧynda jürgızılgen qazba jūmystary kezınde qola däuırınıŋ tūraǧy negızınde jatqan qat-qabat tas däuırınıŋ şögındılerı tabyldy. Ol bızdıŋ däuırımızge deiıngı VI myŋjyldyqtyŋ ortasy nemese neolit däuırıne jatady. Būl qorymnyŋ Qazaqstan aumaǧynda tabylǧandardyŋ ışındegı eŋ köne ekenın däleldeidı.», - delıngen zertteu annotasiiasynda.Qazba jūmystary barysynda, arheologtar Qazaqstanda bır-bırıne ūqsamaityn jerleu räsımderın tapqan. Qabırde ekı adamnyŋ süiegı bolǧan. DNK saraptamasy süiekterdıŋ jasöspırım men eresek adamǧa tiesılı ekenın körsetken. Zertteu jūmystaryn Nazarbaev Universitetı arheologiia institutynyŋ arheologtary jürgızdı – Marǧūlan, Sent-Luistegı Vaşington universitetı (AQŞ) jäne Pavlodar memlekettık universitetı. Olar jerleu oryndarynan Qazaqstandaǧy eŋ köne zamanǧa jatatyn qaŋqalardy tapqan, sondyqtan būl aimaqta öndıruşı şaruaşylyq paida bolǧanǧa deiın aŋşy-jinauşylar halqynyŋ şyǧu tegın, ömır saltyn jäne qūramyn zertteuge erekşe mümkındık beretının aitady.
«Qazba jūmystary men taldaudan bastap materialdy jariialauǧa deiın bükıl prosess qazaqstandyq jäne halyqaralyq mamandardan tūratyn bızdıŋ komandanyŋ üş jyldan astam jūmysyn qamtydy. Būl jaŋalyq qazaqstandyq arheologiia üşın öte maŋyzdy. Qazaqstanda tas däuırınıŋ arheologiialyq materialdary öte köp, bıraq būl jerde bız jerlengen adam turaly aityp otyrmyz. Osy jaŋalyqtyŋ arqasynda bızde sol aimaqty mekendegen adamdardyŋ ömırın zertteuge mümkındık paida boldy», - dep atap öttı Nazarbaev universitetınıŋ qauymdastyrylǧan professory, arheolog Paula Doumani Diupiui.
«Adyrna» ūlttyq portaly
Ūqsas jaŋalyqtar
