Búgin, 12 qarashada Jarkent qalasyndaǵy Panfılov aýdandyq sotynda Qazaqstan - Qytaı shekarasynan zańsyz ótken Qytaı qazaǵy Qaısha Aqannyń isi boıynsha sot bastaldy.
Sotqa Qaısha Aqannyń advokaty Aıman Omarova, AQSh-tyń Almatydaǵy konsýldyǵynyń, "Ata jurt", "Otandas el" uıymynyń ókilderi qatysty.
Qaısha Aqannyń sottaǵy sózine qaraǵanda, ol Qazaqstan shekarasynan 2018 jyldyń 7 mamyrynda Qorǵas keden beketi arqyly, kópshilikke ilese ótken.
2019 jyly tamyz aıynda ulttyq qaýipsizdik komıtetine óz erkimen baryp, shekaradan zańsyz ótkeni jaıly habarlaǵan. Artynsha qylmystyq is qozǵalyp, sot bastalǵan.
Ol Qazaqstanǵa kelgen sátte taǵy bir etnıkalyq qazaq Saıragúl Saýytbaıdyń isi boıynsha sot proesin qadaǵalaǵanyn aıtady. Óz taǵdyryn Saıragúl Saýytbaı taǵdyrymen uqsastyrady. Onyń sózinshe, Qytaıdyń Ile-Qazaq avtonomııalyq aýdanynyń polıııasy "qaıta tárbıeleý lagerine" qamalatynyn ashyq eskertken. Osydan keıin Qazaqstanǵa ketýge bel baılap, Qytaı shekarasyna úsh ret kelgen.
- Qolymda Qazaqstannyń vızasy bola tura jibermedi. Shetelge shyǵýǵa tyıym salynǵandar tizimindesiń dep qaıtardy. Qazaqstannan pana izdep keldim. Meni Qytaıǵa qaıtarmaýdy suraımyn. Qytaıda meni saıası qýǵyn kútip tur,- deıdi ol.
Qaısha Aqan sot barysynda "Qazaqstan shekarasynan zańsyz ótkenin" moıyndap, oǵan Qytaıdaǵy az ulttarǵa jasalatyn qysymnan seskengendikten barǵanyn aıtty.
43 jastaǵy Qaısha Aqan Qytaıda 70 jastaǵy sheshesi qalǵanyn aıtady. Jalǵyz uly da buryn ajyrasqan kúıeýiniń qolynda, Qytaıda qalǵan. Qazir Almaty qalasynda páter jaldap turady, turaqty jumys istemeıdi.
Óziniń aıtýynsha, qarashanyń 11-ine Almaty qalalyq kóshi-qon polıııasynan "Pana izdeýshi tulǵa" qujatyn alǵan.
2018 jyly "Qazaqstan shekarasynan zańsyz ótti" degen aıyppen Qytaı qazaǵy Saıragúl Saýytbaıdyń ústinen sot proesi júrgen. Qoǵam nazaryn aýdarǵan sot sheshimimen Saıragúl Saýytbaı shartty jazamen bostandyqqa shyǵyp, keıin Shveııadan saıası baspana alyp ketken.
Buǵan deıin Qytaıdyń Shyńjań-uıǵyr avtonomııalyq aımaǵynda turatyn etnıkalyq qazaqtar Qaster Mushanuly men Murager Álimulynyń Qazaqstanǵa "shekaradan zańsyz ótkeni" týraly aqparat taraǵan. Qazir olardyń ústinen tergeý proesi júrip jatyr.
"Azattyq" radıosy
foto avtory Nurtaı Lahan
