Búginde jas sýretshi-músinshilerimiz ózderiniń osal emestigin aıqyn ańǵartyp keledi. Asyqtan jasalǵan at, hrýstal tastardan quralǵan barys tárizdi músinderdiń avtorlary – Nurlan Ábishev, Nurlan Ádilhan, Qýanysh Mátenov. Osyǵan deıin Táýelsizdiktiń 20 jyldyǵyna oraı asyqtan arǵymaq kóterip, alash nazaryn ózine aýdarǵan olardyń tolyq aıaqtalǵan ekinshi jobasy – taza shyny tastardan órnektelgen barys músini. Bul músin qazir Almatydaǵy oıyn-saýyq ortalyqtarynyń birinde kópshilik nazaryna usynylyp tur.
Arnaıy Mysyrdan jetkizilgen 12 myń hrýstal tastan toqylǵan barysty jurtshylyq Almatynyń sımvolyna balaı bastapty. El ishinde barystyń murtyn ustap turyp, tilek tilegenderdiń armany oryndalady eken sóz de jeldeı esýde. «Men bul jumystarymdy jalǵyz emes, Nurlan Ádilhan, Qýanysh Mátenov sııaqty áriptesterimmen birlesip júzege asyrdym. Olardyń jumysqa sińirgen eńbegi orasan. Barys músinin aıaqtaý úshin úsh aı tynbaı jumys istedik. Onyń jalpy salmaǵy – 35 keli», – deıdi sýretshi Nurlan Ábishev.
Nurlan Ábishev, sýretshi-músinshi:
– Birde bir ańshy dúrbi arqyly naǵyz barysty kóripti. Barys saǵymdanyp, jartastar arasynda móldirep kóringendeı áser qaldyrypty. Kózderi ǵana anyq baıqalady deıdi saıatshy. Biz sol móldir barystyń beınesin berýge barynsha tyrysyp baqtyq.
Sýretshiler buǵan deıin 8 500 asyqtan at jasap, eldi tań-tamasha etken edi. Endi asyqtan jasalǵan arǵymaq Dýbaıda ótetin dúnıejúzilik óner kórmesine jol tartpaq. Barys músininiń de baǵy ashylatyn kún alys emes, – deıdi sýretshiler.
Arman SERIKULY
