Qolónerden qol úzbeıik...

3538
Adyrna.kz Telegram

 Almatydaǵy Yqylas Dúkenuly atyndaǵy Qazaqtyń mýzykalyq saz aspaptar murajaıynda Táýelsizdigimizdiń 20 jyldyǵyna oraı «Sheberdiń qoly ortaq» atty qolóner kórmesi ashyldy. «Jaýhar» ulttyq salt-dástúrdi qoldaý qory» men «Adyr­na» ulttyq-etnografııalyq birlestigi» birlesip uıymdastyrǵan kórme (2011 jyl) maýsymnyń 23-ine deıin jalǵaspaq.

Kórme Almaty qalasy ákimdiginiń qoldaýymen uıymdastyryldy. Kórmeniń ashylýynda dombyra aspabyn jan-jaqty zerttep júrgen ónertanýshy Jumageldi Nájimedenov baıandama jasady. Kórmede, negizinen, aǵash, temir, toqyma, qyshtan jasalǵan buıymdar keńinen oryn aldy. 135-ten astam qolónershiniń 100-ge jýyq qolóner buıymdary kórmege qoıyldy.

Arman ÁÝBÁKIR, «Adyrna» ulttyq-etnografııalyq birlestiginiń jetekshisi:

Qazaqtyń ulttyq óneri kúndelikti nasıhattalsa da artyq emes. Salt-dástúrimizdi nasıhattaýǵa resmı túrde arnaıy at qoıylsa, bir kúni arnaıy qolóner buıymdaryn dáripteýge arnalsa degen usynystar kórmede aıtyldy. Sheteldiń kórmelerine qoıylǵan buıymdary otandyq qolónershilerdiń úlken qoldaýǵa, marapat, yqylysqa ıe de, al óz elimizde ony izdep kórýge, alýǵa, tipti baǵalaýǵa kelgende ógeılik tanytyp otyrmyz. Munyń sebebi – halyqqa nasıhatynyń azdyǵy men qolónershilerge jetkilikti dárejede mán berilmeıtindiginde.

Muhtar Naýryzbaev, Jolaýshy Turdyǵulov, Serikqazy Nurǵalı, Dáýlet Shoqparov, Maıra Syzdyqqyzy, Ersultan Tájibaev, Aman Muqajanov, Serikqalı Kókenov, Tólegen Sársen­baev jáne taǵy basqa tanymal sheberler óz buıymdaryn jalpy halyqqa usyndy. Abaı atyndaǵy Qazaq ulttyq pedagogıkalyq ýnıversıtetiniń qolóner kafedrasynyń ustaz­dary, T.Júrgenov atyndaǵy Ulttyq óner akademııasynyń janyndaǵy kolledjdiń sándi qoldanbaly óner mamandyǵynyń stýdentteri, sheberler aýyly atalyp ketken Kókshoqy aýylynyń sheberleri, qolónershileri ulttyq buıymdarmen murajaıdy jaınatyp jiberdi. Dárkenbaı Shoqparulynyń uly Dáýlet te kórmege qatysty. B.z.d v-iii ǵasyrlardaǵy Tatyr qorǵanynan tabylǵan kıizden jasalǵan toqyma úlgileriniń kóshirmelerin jasaǵan úsh qyzdan quralǵan «Arý-Art» toqyma tobynyń da qundy dúnıeleri kórmeden tabyldy.

Al dástúrli án óneriniń búgingi betkeustarlary Jolaman Qujımanov, Erkin Nurhanov, Talǵat Muqyshev, Saıat Nurǵazın, murajaı qyzmetkeri Qarlyǵash Qojahmetova syndy ónerpazdar kórmeni tamashalaýǵa kelgen jandardy qazaqtyń injý-marjandarymen tánti etti.


Jadyra JUMAKÚLBAI, "Alash aınasy"

 

Pikirler