Demokratııa qarlyǵashy

3200
Adyrna.kz Telegram

Jańa ǵasyrdyń alǵashqy jyldary el ishinde "Dat" gazetiniń yqpaly sumdyq edi. Aýylda jurt gazetti qoldan-qolǵa tıgizbeı oqıtyn. "Áı, osy gazet jazady-eı" degen áńgimeni ár aýyldan estýge bolatyn. Sol kezderi "Dat" bizdiń úıde de turatyn. Jańa nomeriniń úıge qalaı jetetini beımálim, biraq osy gazet úıden úzilmedi. Oqýshy bala armanyma jýrnalıst bolamyn degen maqsat osy "Dat" pen "Jas Alashtan" qalyptassa kerek.

Stýdent bolyp oqýǵa túskenimde de qaltamdaǵy sońǵy tıynyma "Datty" satyp alatynmyn. Bas redaktory Baqytgúl Mákimbaı dep shyǵatyn "Dat" sol kezdegi qoǵamnyń qoıasyn aqtaryp, bıliktiń búıirine shanshýdaı qadalatyn. Baqytgúl Mákimbaıdyń betiń bar, júziń bar dep qaramaı soıyp salatyn maqalalarynan talaı shendi jasqanyp júretin. Suhbattaryndaǵy suraqtary da ózi sekildi ótkir de ójet. Jýrnalıstıkaǵa qadam basqan qanshama qyzdar Baqytgúl apaıdaı bolsaq dep armandady

.

Baqytgúl Mákimbaı burynǵy Semeı oblysy Aqsýat aýdany 22 partsezd sovhozy Qumkól aýyldyq sovetinde 1962 jyly 15 qazan  kúni dúnıege kelgen. Týǵan aýylyndaǵy  M.I.Kalının atyndaǵy orta mektepti 1979 jyly bitirdi. Biletinder Baqytgúldiń ómirindegi alǵashqy ádiletsizdik sol mektep bitiretin jyly bastalǵan deıdi. Sabaǵyn úzdik oqyǵan alǵyr qyz mektepti "Altyn belgige" bitire almapty. Durysy bitirtpepti. Onyń ornyna sol kezdegi bastyqtyń balasyn usynyp, Mákimbaı ekinshi kezekke ysyrylyp qalady. Úlken ómirge basqan qadamy ádiletsizdikten bastalǵan Baqytgúl 40 jylǵa jýyq ómirin aqıqat pen shyndyqqa arnap keledi. Saıasattyń zańǵar tulǵalary men qoǵam qaıratkerleri Baqytgúldiń eńbegin bas barmaqpen baǵalady.

Keshe osy bir qaısar da ójet qyzdyń týǵan kúni eken. Týǵan kúnińizben Baqytgúl apaı! Qazaq jýrnalıstıkasynyń Sizge ókpesi joq! Ókpe Sizde bolmasa.

Ońǵar Qabden

"Adyrna" ulttyq portaly

 

 

Pikirler