İran - İzrail qaqtyǧysy. Tegeran bır demde soqqylaudy toqtatuǧa daiyn ekenın mälımdedı

İran İzrailge qarsy soqqylardy toqtatuǧa daiyn ekenın mälımdedı, dep habarlaidy "Adyrna" ūlttyq portaly. İran syrtqy ıster ministrı Abbas Arakchi Tegeranda şeteldık diplomattar aldynda söz söilep, İzrail soqqylaudy toqtatsa, İran da qaqtyǧysty toqtatuǧa daiyn ekenın jetkızdı. Ministrdıŋ aituynşa, Tegeran öz äreketterın tek «özın-özı qorǧau» şeŋberınde jüzege asyryp otyr jäne qaqtyǧystyŋ aimaqtaǧy basqa elderge taraluyn qalamaidy. Arakchi AQŞ-ty İzraildıŋ soqqylaryna kömektestı dep aiyptauda. Ministr būl ärekettıŋ İran men AQŞ arasyndaǧy iadrolyq kelıssözderdı būzu maqsatynda jasalǧanyn aitty. Kelıssözderdıŋ kelesı kezeŋı bügın ötuı tiıs edı. Alaida zymyrandyq şabuyldarǧa bailanysty ol keiınge qaldyrylǧan. İran tarapy iadrolyq qaruǧa ūmtylmaitynyn rastaityn kelısım jasauǧa äzır ekenın, bıraq būl qūjat İrannyŋ «iadrolyq qūqyqtaryn» şektemeuı kerektıgın atap öttı. AQŞ prezidentı Donald Tramp Vaşingtonnyŋ İranǧa jasalǧan şabuyldarǧa qatysy joq ekenın aityp, İranmen iadrolyq kelısımge keluge şaqyrdy. Al Germaniia, Fransiia jäne Ūlybritaniia İranmen kelıssözderdı «dereu» bastauǧa daiyn ekenderın mälımdedı. Aita keteiık, ekı elde de beibıt tūrǧyndar arasynda qaza tapqandar men zardap şekkender bar.