Ülken Almaty ainalma avtojolynyŋ (ÜAAAJ) aqyly bölıkterıne tölem tarifterı qanşalyqty jäne ne sebeptı özgeredı? Būl turaly Qazaqstan Respublikasy Kölık ministrlıgı Centralmedia24 redaksiiasynyŋ sūrauyna jauap bere otyryp, tüsındırdı, dep habarlaidy “Adyrna”.
Ministrlık «Aşyq NQA» portalynda ÜAAAJ boiynşa jüru aqysynyŋ mölşerın özgertu turaly būiryq jobasyn jariialaǧanymen, naqty mälımetter keltırılmegen. Osyǧan bailanysty Centralmedia24 redaksiiasy ministrlıkke naqtylauşy sūrau joldaǧan. Ministrlıktıŋ tüsındıruınşe, 66 şaqyrymdyq ÜAAAJ boiynşa jüru aqysy ailyq eseptık körsetkışke (AEK) jäne kölıktıŋ jolda bolǧan uaqytyna bailanysty esepteledı.
Jaŋa josparlanǧan tarifter kelesıdei:
- jeŋıl avtokölıkter üşın – 0,14 AEK (550,48 teŋge), būrynǧysy – 0,07 AEK (275,24 teŋge)
- 16 jolauşyǧa deiıngı avtobustar jäne 2,5 tonnaǧa deiıngı jük kölıkterı – 0,16 AEK (629,12 teŋge), būryn – 0,08 AEK (314,56 teŋge)
- 32 jolauşyǧa deiıngı avtobustar jäne 5,5 tonnaǧa deiıngı jük kölıkterı – 0,28 AEK (1100,96 teŋge), būryn – 0,14 AEK (550,48 teŋge)
- 32 jolauşydan asatyn avtobustar jäne 10 tonnaǧa deiıngı jük kölıkterı – 0,32 AEK (1 258,24 teŋge), būryn – 0,16 AEK (629,12 teŋge)
- 10-15 tonna aralyǧyndaǧy jük kölıkterı – 0,4 AEK (1 573,8 teŋge), būryn – 0,2 AEK (786,4 teŋge)
- 15 tonnadan asatyn jük kölıkterı – 0,44 AEK (1 727,88 teŋge), būryn – 0,22 AEK (865,04 teŋge)
Sonymen qatar, Talǧar, Qarasai jäne Ile audandarynyŋ eldı mekenderınde tırkelgen kölık ielerı üşın ailyq nemese jyldyq abonement bolǧan jaǧdaida, ÜAAAJ arqyly jüru qūny osy abonementtıŋ boluyna bailanysty esepteledı. Būl abonementterdıŋ qūny özgermeidı.
Qazırgı taŋda abonement baǧasy kelesıdei:
– ailyq abonement – 0,5; 0,6; 1; 1,5; 2; 2,5 AEK (kölık sanatyna bailanysty)
– jyldyq abonement – 5; 6; 10; 15; 20; 25 AEK
Jeŋıldıkter men tölem şarttary
Ministrlık jeŋıldıkpen töleu merzımı 15 künnen 7 künge qysqaratynyn habarlady. Sonymen bırge, jaŋa jobada mynadai jeŋıldıkter qarastyrylǧan:
- aldyn ala tölem jasaǧan jaǧdaida, iaǧni jol aqysyn tölemdı uchastokke kırmei tūryp jürgızse – tariftıŋ 50% jeŋıldıgı berıledı
- keiın töleu – joldan ötkennen keiın 7 kün ışınde tölem jürgızılse de 50% jeŋıldık qarastyrylǧan
Būl özgerısterdıŋ basty sebebı – jol aqysyn uaqtyly töleuge yntalandyru jäne qoldanuşylardyŋ tölem keşıktırmeuın qamtamasyz etu.
Ministrlık būl şaralar jolaqy töleu jüiesımen paidalanuşylardyŋ özara äreketın jeŋıldetuge baǧyttalǧanyn jäne Joǧary audit palatasynyŋ ūsynymdaryna säikes engızılgenın aitty. Tüsken qarajat respublikalyq biudjetke baǧyttalady.
Centralmedia24 redaksiiasy ÜAAAJ arqyly jüruden jyl saiyn qanşa qarajat tüsetının naqtylap sūraǧan. Alaida ministrlık būl mälımetterdı joldy paidalanuǧa jäne ony basqaruǧa jauapty konsessioner ielıgınde ekenın aityp, naqty aqparat bere almady.
Sondai-aq, vedomstvo ÜAAAJ-nyŋ tehnikalyq jaǧdaiy jaqsy ekenın jäne kapitaldyq jöndeudı qajet etpeitının atap öttı.
Aita ketsek, ÜAAAJ qūrylysy 2014 jyly bastalady dep josparlanǧan, 2018 jyly aiaqtaluy kerek edı. Alaida naqty qūrylys jūmystary tek 2019 jyly bastalyp, 2023 jyly aiaqtaldy. Joldy «BAKAD İnvestisii i Operasii» JŞS konsessionerı basqarady.
