Aldaǵy ýaqytta páter baǵasy óspese, túspeıdi. Bul týraly ónerkásip jáne qurylys mınıstrligi Qurylys jáne turǵyn úı-kommýnaldyq sharýashylyq isteri komıtetiniń tóraǵasy Baqytjan Júnisbekov boljamyn aıtty, dep habarlaıdy “Adyrna” ulttyq portaly.
«Keıingi 10 aıda respýblıka boıynsha páter baǵasy birinshe paıyz tústi. Bul nemen baılanysty dep oılaısyz? Astanada da, óńirlerde de baspana úlken aýqymmen salynyp jatqanyn eskersek, baǵa ári qaraı da túse bere me?» - dep surady jýrnalıst búgin ortalyq kommýnıkaııalar qyzmetinde ótken baspasóz máslıhatynda.
Komıtet basshysy páter baǵasy óspese, túspeıtinin aıtty.
«Bul jerde páter baǵasynyń kúrt túskeni baıqalmaǵanyna sendire alamyn. Óıtkeni ınflıaııa baspana baǵasyna qalaı da áser etedi. 2024 jyldyń alǵashqy jartysyndaǵy qorytyndy boıynsha qoldanysqa berilip jatqan baspana aýdanynyń ósý tendenııasy bar. Qurylys shyǵyndarynyń ortasha statıstıkasy da 2-3 paıyz kóleminde ósti. Deı turǵanmen, jasalǵan mámileler sany tómendegen. Biz páter qunynyń túsýin dál osy mámilelerdiń azaıýymen baılanystyramyz. Jalpy páter baǵasynyń kúrt ósýin nemese kúrt túsýin kútip otyrǵan joqpyz. Birtindep óse beredi degen boljam bar», - dedi Baqytjan Júnisbekov.
