Qazaqstanda janarmai baǧasy körşı eldermen teŋespek, dep habarlaidy "Adyrna" ūlttyq portaly QazAqparatqa sıltep.
Būl turaly Premer-ministrdıŋ bırınşı orynbasary Roman Skliar Ükımet üiınde ötken baspasöz mäslihatynda mälımdedı.
Onyŋ aituynşa, elımız jylyna 90 million tonnadan astam mūnai öndırse de, mūnai önımderın öŋdeu körsetkışı älı de jetkılıktı deŋgeide emes.
"2017-2019 jyldary üş mūnai öŋdeu zauyty qaita qūrylyp, janarmai öndırısı edäuır artty. Sodan berı benzin, dizel jäne äue kerosinı boiynşa tapşylyq toqtady. Alaida, soŋǧy jyldary äue kerosinıne sūranys kürt östı, sondyqtan tapşylyq qaita baiqalyp otyr", — dedı vise-premer.
Skliardyŋ aituynşa, Qazaqstannan janarmaidyŋ syrtqa zaŋsyz äketıluın boldyrmau üşın baǧa körşı naryqtarmen teŋestırıledı.
"Baǧany bırtındep teŋestıru arqyly ışkı naryqty qorǧaimyz. Sonymen qatar, ışkı öndırıstı ūlǧaituǧa küş salynady. Mäselen, Şymkent mūnai öŋdeu zauytynyŋ ekınşı kezeŋı ıske qosylsa, öndırıs kölemı 6 mln tonnadan 12 mln tonnaǧa deiın artady. Būdan bölek, Pavlodar men Atyrau zauyttarynyŋ quatyn arttyru boiynşa da şaralar qabyldanady", — dedı ol.
