Memleket basşysy Qasym-Jomart Toqaev qazaqstandyqtardy Qūrban ait merekesımen qūttyqtady, dep habarlaidy “Adyrna”.
«Ardaqty aǧaiyn! Qūrban ait merekesı qūtty bolsyn! Barşa mūsylman qauym üşın qasiettı sanalatyn būl meiram – imandylyq pen ızgılıktıŋ simvoly. Ait künderı mūqtaj jandarǧa jaqsylyq jasap, kömek körsetu – ata-babalarymyzdan jalǧasyp kele jatqan igı dästür», - dedı prezident.
Qasym-Jomart Toqaev dınımız azamattardy bır-bırın qūrmetteuge, jaqyndaryna janaşyr boluǧa ündep, bauyrlastyq pen syilastyqty därıpteitının atap öttı.
«Halqymyzdyŋ berekelı bırlıgı osyndai ızgı qūndylyqtardyŋ arqasynda nyǧaia tüsedı. Qūrban ait – yrysty yntymaqtyŋ merekesı. Bız elımızdegı tūraqtylyqtyŋ qadırın bılıp, tatulyqty saqtau arqyly kez kelgen synnan sürınbei ötıp, biık maqsattarǧa jetemız. Ädılettı, Taza, Qauıpsız ärı Quatty Qazaqstandy bırge qūramyz. Qūrban ait kezınde aitylar dūǧa-tılekter qabyl bolsyn! Är şaŋyraqqa qūt-bereke qonsyn! Aittan aitqa aman-esen jete bereiık!», - dep tüiındedı memleket basşysy.
Aita keterı, biyl Qūrban ait bügın, 6 mausymda bastalady. Osyǧan bailanysty qazaqstandyqtar qatarynan üş kün demalady.
Ūqsas jaŋalyqtar
