Türkiiada Egei teŋızınde quatty jer sılkınısı boldy. Magnitudasy – 5,8 ball. Būl turaly TRT Haber basylymy jazdy, dep habarlaidy “Adyrna”.
Jerasty dümpuı Türkiianyŋ Marmaris qalasyna jaqyn ornalasqan Mūǧla aimaǧynda qatty sezıldı.
Türkiianyŋ TJ basqarmasynyŋ (AFAD) mälımetınşe, jer sılkınısınıŋ episentrı – Jerorta teŋızı. Tereŋdıgı – 67,91 km, al eŋ jaqyn qūrlyq – Marmariske qarasty Mūǧla audany (10,43 km).
Jer sılkınısı saldarynan 1 adam qaza tauyp, 69 adam türlı jaraqat aldy. Jergılıktı tūrǧyndar qauıpsızdık maqsatynda aşyq alaŋdarǧa – saiabaqtar men baqtarǧa şyqty.
Mūǧla gubernatory İdris Akbiıktıŋ aituynşa, jer sılkınısı qala ömırıne aitarlyqtai äser etken joq. Energiiamen, gazben, auyz sumen qamtamasyz etu jüielerı men kärız jüiesı qalypty jaǧdaida jūmys ıstep tūr. Tūrǧyn üi sektorynda da būzylular tırkelmegen.
Qazırgı uaqytta dalalyq jūmystar jalǧasyp jatyr. Qūtqaruşylar men tehnikalyq mamandar tūrǧyn üiler men infraqūrylymdardy tekserıp jatyr.
