Türkiiada 485 myŋ qoljazba men sirek baspa basylymy sifrlyq formatqa köşırıldı, dep habarlaidy “Adyrna” tılşısı.
Būl turaly Türkiianyŋ mädeniet jäne turizm ministrı habarlady.
Joba Türkiianyŋ qoljazba tuyndylar basqarmasy aiasynda jüzege asyrylyp jatyr. Sifrlandyrylǧan qordyŋ qūramyna tarihi qoljazbalar men sirek kezdesetın baspa eŋbekterı engızılgen.
Ministrdıŋ aituynşa, joba mädeni mūrany sifrlandyru jäne saqtau salasyndaǧy halyqaralyq standarttarǧa säikes jürgızılude.
«Zertteuşıler men barlyq qyzyǧuşylyq tanytqan azamattarǧa qoljazba tuyndylarynyŋ älemdegı eŋ ırı portalynda 485 myŋ qoljazba men sirek basylymǧa qoljetımdılık ūsynamyz», – dedı ministr Mehmet Nuri Ersoi.
Sifrlyq qordyŋ qoldanuşylarynyŋ sany 30 myŋnan asqan. Portalǧa kıru sany 1,36 millionnan asyp, ondaǧy tuyndylar 5,9 millionǧa juyq ret qaralǧan. Al qaralǧan better sany 15,4 millionnan, jüktelgen better 1,6 millionnan asqan.
Sifrlandyru jūmystary tüpnūsqa qūjattardyŋ saqtaluyna da baǧyttalǧan. Sandyq köşırme jasamas būryn mamandar ärbır jädıgerdıŋ fizikalyq jaǧdaiyn baǧalaidy. Qajet bolǧan jaǧdaida qosymşa qorǧau şaralary jürgızıledı. Keiın qoljazbalar tüpnūsqaǧa ziian keltırmeitın ädıster arqyly joǧary ajyratymdylyqta tüsırıledı.
Sonymen qatar ärbır qūjat boiynşa halyqaralyq katalogtau standarttaryna säikes bibliografiialyq mälımetter äzırlenedı.
Sifrlyq köşırmelerdı köru üşın tırkelu talap etılmeidı. Al materialdardy jükteu üşın tegın müşelık räsımdeu qajet. Portalda şyǧarmalardyŋ bibliografiialyq sipattamalary men olardyŋ sifrlyq beinelerı ūsynylǧan.
Türkiia aldaǧy uaqytta sifrlyq mädeni mūra qoryn jaŋa tehnologiialardyŋ, sonyŋ ışınde jasandy intellekt mümkındıkterın paidalanu arqyly odan ärı damytudy josparlap otyr.
