Zılzala zardaptaryn joiuǧa Qazaq elınen arnaiy attanǧan qūtqaruşylar jasaǧy bügın elge oralady. Olar jer sılkıngen aimaqtarda ızdeu-qūtqaru jūmystaryna batyl aralasty, jergılıktı halyqtyŋ alǧysyna bölenıp, abyroi arqalap kele jatyr, dep habarlaidy "Adyrna" ūlttyq portaly.
Tötenşe jaǧdailar ministrlıgı baspasöz qyzmetınıŋ mälımetınşe, qūtqaruşylardyŋ bırınşı legı Türkiiadan Almaty qalasyna 2023 jyl, 18 aqpan, saǧat 23.10-da keledı. Qazaq elınıŋ qūtqaruşylary kün-tün demei küşın sarp etıp, Türkiiada üiındı astynan 88 adamnyŋ denesın şyǧardy jäne 7 adamdy qūtqardy.
Türkiiadaǧy azamattyq ıstıŋ basynda jürgen QR Tötenşe jaǧdailar ministrınıŋ bırınşı orynbasary İbrahim Külşımbaev mälımdeme jasady:
- Qolymyzdan kelgenşe küşımızdıŋ bärın saldyq. Kün-tün demei kezekşılıkke bölınıp qūtqaruşylarymyz jūmys ıstep jatyr. Öte qauıptı jūmys ekenın özderıŋız körıp tūrsyzdar. Basqa memleketterdıŋ, osy Türık elınıŋ qūtaqruşylarynyŋ da jaraqat alǧanyn körıp jatyrsyzdar. Tärtıptıŋ arqasynda osy jūmysty aman-esen aiaqtap jatyrmyz, - dedı maman.
"Adyrna" ūlttyq portaly
Ūqsas jaŋalyqtar
