Búgin Májilis «Mass-medıa týraly» týraly zańdy jáne keıbir zańnamalyq aktilerge mass-medıa máseleleri boıynsha ózgerister men tolyqtyrýlar engizýdi kózdeıtin zańdy ekinshi oqylymda qabyldady, - dep habarlaıdy “Adyrna” ulttyq portaly.
Qujatty tanystyrǵan Májilis depýtaty Janarbek Áshimjan zań jobasyn ázirlep, pysyqtaýǵa belsendi qatysqan qoǵam múshelerine alǵys bildirdi.
– Zań jobasynda jekelegen jýrnalısterge ońaılatylǵan akkredıtteý quqyǵyn beretin «baspasóz kartasyn» engizý jónindegi norma usynylǵan. Ashyǵyn aıtý kerek, bul norma jumys tobynda, jalpy qoǵam ishinde úlken pikirtalas týdyrdy. Jumys tobyndaǵy múshelerdiń basym bóligi bul normany demokratııalyq prınıpterge qaıshy, jýrnalısterdi alalaý, jan-jaqty aqparat taratýǵa kedergi keltiretin norma dep baǵalady.
Sondyqtan bul norma boıynsha naqty sheshim qabyldandy – «press-karta» týraly norma joıyldy, – dedi depýtat.
Ótken jyldyń qazan aıynda Mádenıet jáne aqparat mınıstri Aıda Balaeva «Buqaralyq aqparat quraldary týraly» zań jobasy aıasynda memlekettik tilde teleradıoarnalarda habar taratý 50 paıyzdan 70 paıyzǵa deıin arttyrý usynylyp otyr degen bolatyn.
– Qazaqstan halqynyń 80 paıyzdan astamy memlekettik tildi meńgergen. Osy faktorlardyń bárin eskere otyryp, memlekettik tildegi teleradıo habarlaryn taratý kólemin 70 paıyzǵa jetkizý týraly sheshim qabyldandy. Aıta ketý kerek, ol birte-birte iske asyrylady. 2025 jyldan bastap jyl saıyn 5 paıyzǵa ósirý kózdelgen, – degen edi mınıstr.
Áıtse de bul norma jańa zań jobasynda 60/40 paıyz boıynsha enip otyr. Jıynnan keıin jýrnalıster Mádenıet jáne aqparat vıe-mınıstri Qanat Ysqaqovqa «Áý basta qazaq tilinde aqparat 70, al orys tilinde 30 paıyz bolsyn dep usynys aıtylyp edi. Ol nege 60 paıyzǵa túsip qaldy?» dep suraq qoıdy.
– Ár bir norma talqylanyp, daýys beriledi. Bir jaǵynan biz kópultty memleket bolǵandyqtan elde ózge ult ókilderi bar ǵoı. Olar da aqparatqa muqtaj. Sondyqtan depýtattar osy máseleni zerttep, zerdelep, tıisti taldaý ótkizip sheshim qabyldady. Aqparat taratýda 60/40 paıyz óte tıimdi. Qazirgi tańda qazaq tildi kontent óte joǵary, endi ony odan ary irgeletip damytsaq, 70 paıyzǵa jetkizýde eshqandaı másele joq, – dedi vıe-mınıstr.
