Astanadaǧy Ūlttyq muzei qoryna saq däuırıne tiesılı altyn būiymdar men artefaktılerdıŋ bıregei toptamasy berıldı, dep habarlaidy "Adyrna" ūlttyq portaly Orda.kz-ke sıltep.
Būl jädıgerler būryn belgısız oligarhtan tärkılengen bolatyn. Qūndy tarihi zattar Qazaqstanǧa qaitarylǧan aktivterdı basqaru kompaniiasy arqyly memlekettık menşıkke öttı.
«Qaitarylǧan aktivterdı basqaru kompaniiasy» jauapkerşılıgı şekteulı serıktestıgınıŋ Bas direktory Quanyşbek Mūqaştyŋ aituynşa, qaitarylǧan aktivter tek ekonomikalyq emes, mädeni igılıkke de ainaluy tiıs. Bıraq atalǧan artefaktılerdıŋ Qairat Satybaldyǧa tiesılı ekendıgın resmi rastaudan bas tartty.
"Bız zaŋ boiynşa aktivterdıŋ iesı turaly mälımet bere almaimyz. Barlyq qaitarylǧan dünie memleket menşıgıne ötedı, al tarihi qūndylyqtar muzeilerge berıledı", — dedı Mūqaş.
VII ǧasyr b.z.d. men III ǧasyr aralyǧyna jatatyn būl artefaktıler ejelgı saq-skif däuırınıŋ «januarlar stilıne» sai jasalǧan. Olar – Ūly dala örkenietınıŋ körkemdık şeberlıgı men mädeni bailyǧyn däleldeitın sirek dünieler.
Muzeige metalldan jasalǧan bürkıt basy, arab jazuymen örnektelgen saqina, müiızdı aŋ beinelengen plastina, qanatty arystan, qanatty at, jügırıp kele jatqan barys, sekırıp tūrǧan būǧy müsınderı, 15 köne tiyn jäne ekı spiraldı saqina jäne arystan basy beinelengen jüzık tabystaldy.
Jinaqtyŋ jalpy salmaǧy 118 grammnan asady. Sarapşylar būiymdardy daiyndaudaǧy naqyştau, şekıme jäne gravirovka syndy ejelgı tehnikaǧa taŋdanystaryn jasyrmai otyr.
Bastapqyda būl būiymdardy memleket mülkın satu auksionynda satuǧa äreket jasalǧan. Alaida baǧalauşy olardyŋ tarihi maŋyzyn eskermei, tek altyn salmaǧy boiynşa eseptep, arab jazuly jüzıktı nebärı 136 myŋ teŋgege baǧalaǧan.
Būl būiymdardyŋ bır bölıgı būǧan deiın Qairat Satybaldydan tärkılengen liuks saǧattar men äşekeiler toptamasynyŋ qūramynda bolǧan. Solardyŋ ışınde Ulysse Nardin saǧatyn Satybaldynyŋ qolynan bır kezdegı resmi jiynda baiqauǧa bolatyn edı. Qazır ol saǧat 7 mln teŋgege auksionǧa qoiylǧan.
Ūqsas jaŋalyqtar
