Almaty oblysynda ornalasqan «AziiaAgroFud» qūrama jem zauyty aumaǧynda ūn tozaŋynyŋ jaryluynyŋ saldarynan ekınşı adam qaza tapty, dep habarlaidy “Adyrna” ūlttyq portaly.
Aqparatqa säikes, ekeuı de auruhanada alǧan jaraqattarynan köz jūmǧan. Taǧy ekı adamnyŋ jaǧdaiy auyr.
26 mamyr künı Almaty oblysy TJD-ne Qarasai audany Jıbek Joly auylynda ornalasqan ūn önımderın şyǧaratyn seh aumaǧynda jarylys bolyp, odan keiın ört şyqqany turaly habar tüsken. Ört dändı daqyl qaldyqtarynyŋ şaŋ-aua qospasynyŋ jaryluynan ekınşı elevatordyŋ toǧyz qabatty ǧimaratynyŋ bırınşı qabatynda oryn alǧan.
“Oqiǧa ornyna Almaty oblysy TJD küşterı men qūraldary şūǧyl türde jıberıldı. Oqiǧa ornyna jetken kezde qatty tütındeu tırkeldı. Jedel ştab qūrylyp, tört jauyngerlık bölımşe jūmysqa kırıstı. Qabyldanǧan şaralardyŋ arqasynda ört tolyq söndırıldı. Örttıŋ jalpy aumaǧy 1377 şarşy metrdı qūrady”, – dep habarlady TJD.
Zardap şekkenderge TJD mamany tarapynan psihologiialyq kömek körsetılude.
Jarylys bolǧan zauyt basşylyǧy ışkı tekseru jūmystaryn bastaǧan.
"Kompaniia qyzmetkerlerınıŋ densaulyǧyna şyn jürekten alaŋdaidy jäne zardap şekkender men olardyŋ otbasylarymen tūraqty bailanysta", – delıngen habarlamada.
